| e-texts navigator |
| Wylie |
112a1 གཅོད།། མ་བཏབ་བཞིན་དུ་ལྷུན་གྱིས་རྫོགས།། མཉམ་པའི་རྒྱལ་པོ་རིག་པས་གདབ།། ཕུར་པ་ཆོས་ཀྱི་དབྱིངས་ཀྱི་རྟགས།། གཞན་དུ་གདབ་པའི་གནས་མེད་ཀྱི།། རང་བཞིན་བྱང་ཆུབ་སེམས་ལ
112a2 གདབ།། ཕུར་བུ་འཛིན་ཆགས་མྱ་ངན་འདས།། གཟུང་འཛིན་རྣམ་རྟོག་ཉིད་ལ་གདབ།། ཕུར་པ་དངོས་པོ་ཀུན་དང་བྲལ།། དངོས་མེད་སེམས་ཀྱི་ཕུར་པ་ཡིས།། དངོས་པོ་ཕྱིན་ཅི་ལོག་ལ་གདབ།། གདབ་དང་མི
112a3 གདབ་བརྗོད་པའི་མཐའ་ལས་འདས།། ཕུར་པ་སྐྱེ་བ་མེད་པའི་དོན།། སྐྱེ་མེད་སེམས་ཀྱི་ཕུར་པ་ཡིས།། སེམས་ལ་བཏབ་པས་རིག་པ་ཤར།། དབྱིངས་ལ་བཏབ་པས་ལྷུན་གྱི་གྲུབ།། གཉིས་སུ་མེད་པ་བརྡལ་བའི
112a4 དང་། ཁྱབ་གདལ་ཆེན་པོའི་ཕུར་པ་ཡིས།། སྣང་སྲིད་ཀུན་ལ་ཁྱབ་པར་གནས།། དེ་ལྟར་རྟོགས་ན་ཐེབས་པ་ཡིན།། མངོན་དུ་གྱུར་ན་རྟོགས་པ་ཡིན།། ཚིག་ལས་འདས་ནས་སངས་རྒྱས་ཡིན།། གྲངས་ལས་འདས་ན
112a5 བརྗོད་དུ་མེད།། གཅིག་དང་གཉིས་སུ་དབྱེ་རུ་མེད།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། བྱང་ཆུབ་སེམས་ཀྱི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས
112a6 འཇིག་བྱེད་ཀྱི་རྒྱལ་པོ་ཞེ་སྡང་རྡོ་རྗེས་ཕུར་པ་རང་བཞིན་གྱི་དོན་ལ་སྙོམས་པར་ཞུགས་ཏེ། འདི་གསུངས་སོ།། ཕུར་པའི་རང་བཞིན་དོན་བསྟན་པ།། ཕུར་ནི་ཆོས་ཀྱི་དབྱིངས་ཞེས་བྱ།། པ་ནི་བླ་མ་ཆེན་པོར
iiif viewer powered by OpenSeadragon
