| e-texts navigator |
| Wylie |
111b1 ཅད་འདུས།། ཕུར་པ་ཞེས་ནི་དེ་ལ་བྱ།། དེ་ལ་ནམ་མཁའི་ཕུར་པ་ནི། ཁ་དོག་དབྱིབས་ལ་མི་གནས་ཤིང་། ཁྱབ་གདལ་ངང་དུ་ཐམས་ཅད་འདུས།། ཕུར་པ་ཞེས་ནི་དེ་ལ་བྱའོ།། དེ་གསུམ་དབྱེར་མེད་མྱ་ངན
111b2 འདས།། དངོས་པོ་མཚན་མར་མི་སྣང་ཞིང་།། བསམ་པ་ལས་ཀྱང་མྱ་ངན་འདས།། ཐམས་ཅད་ཡེ་ནས་མཉམ་ཉིད་ལས།། རྒྱུ་དང་འབྲས་བུར་དབྱེ་རུ་མེད།། ཐ་སྙད་འདོགས་ན་འཁྲུལ་པ་ཡིན།། མཐར་ཡང་སངས
111b3 རྒྱས་རྙེད་མི་འགྱུར།། དེ་ལ་ཕུར་བུའི་མན་ངག་ནི།། ཐ་སྙད་དག་ལ་མི་གནས་ཤིང་།། བཙལ་དུ་མེད་ཅིང་དངོས་པོ་མེད།། ཐམས་ཅད་དབྱེར་མེད་དབྱིངས་སུ་གཅིག། འཁྲུལ་པའི་ཐ་སྙད་མིང་ཡང་མེད།། བདག་ཉིད
111b4 ཕུར་པའི་རང་བཞིན་ལས།། གཞན་དུ་འདོགས་པ་འཁྲུལ་པའི་ལམ།། གྲངས་ཀྱིས་བགྲང་དུ་ག་ལ་ཡོད།། ཆོས་ཉིད་གཅིག་ཏུ་གནས་པ་ལ།། གྲངས་ཀྱིས་བགྲངས་ན་གོལ་ས་ཡིན།། ཕུར་པའི་རང་བཞིན་དག་པ
111b5 ལ།། མིང་ཙམ་གཞན་ལ་བརྟེན་མི་བྱ།། རང་གི་རང་བཞིན་རྟོགས་པར་གྱིས།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། བལྟ་བའི་ལེའུ་སྟེ་གསུམ་པའོ།། །། དེ་ནས
111b6 བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་ཕུར་པ་བྱང་ཆུབ་སེམས་ཀྱི་དོན་འདི་གསུངས་སོ།། ཕུར་པ་བྱང་ཆུབ་སེམས་ཀྱི་རྟགས།། བྱང་ཆུབ་སེམས་ཀྱི་ཕུར་པ་ཡིས།། སྲིད་གསུམ་འཁོར་བ་གདར་ཤ
iiif viewer powered by OpenSeadragon
