| e-texts navigator |
| Wylie |
111a1 རྒྱས་ཡིན།། བཙལ་དུ་མེད་པའི་དོན་རྟོགས་བསྒོམ་པ་ཡིན།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། ཁྱད་པར་གྱི་ལེའུ་སྟེ་གཉིས་པའོ།། །། དེ་ནས
111a2 བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། ལྟ་བའི་མན་ངག་འདི་གསུངས་སོ།། བཙལ་མེད་དབྱིངས་ཀྱི་ངང་དུ་ཐམས་ཅད་འདུས།། མི་འགྱུར་བྱང་ཆུབ་སེམས་ཀྱི་ཕུར་པ་ཡིས།། ཐམས་ཅད་སྐྱེ་ཤིའི
111a3 རྩ་བ་བཅད།། སྒྲུབ་མེད་ཆོས་ཀྱི་དབྱིངས་ལ་ཡེ་ནས་བཏབ།། བཏབ་པ་ཉིད་ན་འཁོར་བའི་མིང་ཡང་མེད།། མ་བཅོས་ལྷུན་གྱིས་གྲུབ་པའི་དབྱིངས་ཉིད་ལ།། ཡེ་ཤེས་རིག་པའི་ཕུར་པ་ཡེ་ནས་བཏབ།། བཏབ་པ་ཉིད
111a4 ན་དངོས་པོ་མཚན་མ་མེད།། སྣང་སྲིད་བྱང་ཆུབ་སྙིང་པོའི་ལིངྒ་ལ།། ཀུན་ཏུ་བཟང་པོའི་རོལ་པའི་ཕུར་པ་བཏབ།། བཏབ་པ་ཉིད་ན་སེམས་རྟོག་ཡིད་ལས་འདས།། དངོས་པོར་སྣང་བའི་ཤེས་རབ་ལིངྒ་ལ།། རང
111a5 བྱུང་ཐུགས་ཀྱི་རྒྱལ་པོའི་ཕུར་པ་བཏབ།། བཏབ་པ་ཉིད་ན་བརྗོད་པའི་མཐའ་ལས་འདས།། དེ་ཕྱིར་དབྱེར་མེད་དོན་རྟོགས་མཉམ་པའི་ངང་།། བྱ་བཙལ་མེད་པར་བཞག་པས་ཕུར་པ་གདབ་ཅེས་བྱ།། དེ་ལ་ཆོས་ཉིད
111a6 ཕུར་པ་ནི།། ཆོས་ཅན་གང་ལ་ཡང་མི་དམིགས་ཤིང་།། མ་བཅོས་དང་དུ་ཐམས་ཅད་འདུས།། ཕུར་པ་ཞེས་ནི་དེ་ལ་བྱ།། དེ་ལ་སེམས་ཉིད་ཕུར་པ་ནི།། སྐྱེ་མཆེད་ཁམས་ལ་མི་གནས་ཤིང་།། རང་བྱུང་དང་དུ་ཐམས
iiif viewer powered by OpenSeadragon
