| e-texts navigator |
| Wylie |
110b1 དང་།། དམིགས་མེད་བསམ་འདས་བརྗོད་དུ་མེད།། བསྙེན་པ་ཕུལ་བས་ཁྱད་པར་འཕགས།། དམིགས་སུ་མེད་པའི་སེམས་ཉིད་ཀྱིས།། ཐམས་ཅད་བླ་མེད་རྒྱུར་བཏོན་པས།། ཕོ་ཉ་བཀྱེ་ལས་ཁྱད་པར་འཕགས།།
110b2 ཁམས་གསུམ་སེམས་ཅན་ཐམས་ཅད་ཀུན།། དུས་གསུམ་བཞུགས་པའི་སངས་རྒྱས་དང་།། ཐམས་ཅད་དབྱེར་མེད་དབྱིངས་སུ་བསྒྲལ།། དགྲ་བགེགས་བསྒྲལ་ལས་ཁྱད་པར་འཕགས།། སྣང་བའི་ཡུལ་ནི་ཆོས་ཉིད
110b3 ལས།། བསམ་པའི་ཆ་ནི་ཡེ་ཤེས་ཏེ།། གཉིས་སུ་མེད་པར་རྟོགས་པས་ན།། ཕུར་པ་བཏབ་ལས་ཁྱད་པར་འཕགས།། མ་སྐྱེས་པ་ཡི་ཆོས་ཉིད་ཀྱིས།། སྐྱེས་པའི་ཕུང་པོ་སྐྱེ་རྒྱུན་བཅད།། མ་བཅོས་པ་ཡི་ཆོས་ཉིད
110b4 ཀྱིས།། བཅོས་པའི་ཆོས་ཉིད་ཟིལ་གྱིས་མནན།། མི་དམིགས་པ་ཡི་ནམ་མཁའ་ཡིས།། དམིགས་པའི་འབྱུང་བ་ཟིལ་གྱིས་མནན།། ཐམས་ཅད་སྐྱེ་ཤི་རྩད་ནས་གཅོད།། གཟིར་མནན་བྱས་ཤེས་དེ་ལ་བྱ།། འཁོར་བ
110b5 དོང་སྦུགས་ཁྱད་པར་འཕགས།། སྐྱེ་ཤི་རྩད་གཅོད་ཁྱད་པར་འཕགས།། ཐམས་ཅད་དབྱིངས་བཀོད་ཁྱད་པར་འཕགས།། འཁོར་བའི་རྒྱུ་ཉིད་ཡང་དག་བྱང་ཆུབ་ལམ།། ཐམས་ཅད་མྱ་ངན་འདས་ལས་ཁྱད་པར
110b6 འཕགས།། སྐྱེ་མེད་རྡོ་རྗེ་ལྟ་བུའི་ངང་ཉིད་ལས།། སྐྱེ་ཤི་འཕྲོ་འདུ་མེད་པས་ཁྱད་པར་འཕགས།། དེ་ལྟ་བུ་ཡི་དོན་ལ་མཁས་པ་ཡིས།། རྟོགས་པའི་བློ་ཆེན་རྣལ་འབྱོར་གང་ཞིག་གིས།། དེ་ཡི་དོན་ལ་འདྲིས་ན་སངས
iiif viewer powered by OpenSeadragon
