| e-texts navigator |
| Wylie |
110a1 འགྱུར་བ་མེད།། གཞལ་ཡས་ཁང་ལས་ཁྱད་པར་འཕགས།། དབྱེ་རུ་མེད་པའི་སེམས་ཉིད་ཀྱི།། ཕུང་པོ་ཁམས་དང་སྐྱེ་མཆེད་རྣམས།། ཡེ་ནས་དབྱེར་མེད་རྫོགས་སངས་རྒྱས།། ཕུར་པ་དྲིལ་ཞེས་དེ་ལ
110a2 བྱ།། མི་དམིགས་བསམ་འདས་དབྱེར་མེད་དང་།། མ་བཅོས་སྤྲོས་པ་མེད་པའི་དཀྱིལ།། སྐྱེ་མེད་ཡོངས་ལ་ཁྱབ་པའི་འཁོར།། འགྱུར་མེད་དོན་རྟོགས་མཉམ་པའི་ངང་།། མཚན་མའི་དཀྱིལ་འཁོར་ལས་ཁྱད
110a3 འཕགས།། དངོས་པོ་མེད་པའི་ཡེ་ཤེས་ཀྱིས།། མཚན་མར་སྣང་བ་དབྱིངས་སུ་སྤྱོད།། ཕུར་པ་བཀོད་ཅེས་དེ་ལ་བྱའོ།། རང་བྱུང་རིག་པའི་ཡེ་ཤེས་ནི།། བཙལ་ཞིང་བསམ་པས་མ་བསྐྱེད་དེ།། ཆོས་ཀྱི་དབྱིངས་སུ
110a4 གཤེགས་པས་ནི།། སྤྱན་དྲང་དོན་ལས་ཁྱད་པར་འཕགས།། སྤྲོས་པ་མེད་པའི་ཆོས་ཉིད་དང་།། བཙལ་དུ་མེད་པའི་སེམས་ཉིད་གཉིས།། མཉམ་པའི་ངང་དུ་རྟོགས་པས་ན།། བཞུགས་སུ་གསོལ་ལས་ཁྱད་པར
110a5 འཕགས།། ཐམས་ཅད་དབྱེར་མེད་མཉམ་པའི་ངང་།། འདུ་འབྲལ་མེད་པར་རབ་གནས་པས།། ཕྱག་འཚལ་བ་ལས་ཁྱད་པར་འཕགས།། ཆོས་ཉིད་བཙལ་དུ་མེད་པ་ལ།། སྐྱེ་མཆེད་ཁམས་རྣམས་མཆོད་པར
110a6 སྣང་།། ནམ་མཁའ་དམིགས་སུ་མེད་པ་ལ།། འབྱུང་བའི་ཚོགས་རྣམས་མཆོད་པར་སྣང་།། ཐམས་ཅད་ཆོས་ཉིད་རྒྱུ་རུ་གསུངས།། མཆོད་པ་ཕུལ་བས་ཁྱད་པར་འཕགས།། ཐམས་ཅད་མི་དམིགས་མཉམ་པའི
iiif viewer powered by OpenSeadragon
