| e-texts navigator |
| Wylie |
109a1 ཅད་ནི།། མ་བཅོས་རིག་པ་དེ་ཉིད་ཡིན།། དེ་ཉིད་དབྱེར་མེད་མཉམ་པ་དེ།། དེ་ཡི་ངང་དུ་ཐམས་ཅད་འདུས།། ཕུར་པ་ཞེས་ནི་ཡང་དག་བཤད།། བཙལ་དུ་མེད་པའི་ཆོས་ཉིད་ལ།། བསྒོམ་དུ་མེད་པའི
109a2 འབྲས་བུ་ཤར།། ཐམས་ཅད་རང་བྱུང་འགག་པ་མེད།། རྒྱུ་དང་རྐྱེན་ལ་མི་ལྟོས་ཤིང་།། སྤྲོས་མེད་རང་བྱུང་ལྷུན་གྱིས་གྲུབ།། རྒྱུ་རྐྱེན་གཉིས་ལས་མྱ་ངན་འདས།། གདོད་ནས་མ་བཅོས་ཡེ་ནས་གྲུབ།། དུས་གསུམ
109a3 དབྱེར་མེད་གཅིག་པར་བལྟ།། སྲིད་པ་གསུམ་ནི་རང་གི་རྐྱེན། ཁམས་གསུམ་སྤྲོས་མེད་དབྱིངས་སུ་གཅིག། ཐམས་ཅད་ཡེ་ནས་དབྱེར་མེད་པས།། སྟོང་གསུམ་དུས་གསུམ་ཏིལ་འབྲུ་ཙམ།། རང་བྱུང་སྐྱེ་མེད་དབྱིངས
109a4 སུ་གཅིག། དེ་ནི་ལྟ་བའི་མཆོག་ཡིན་ཏེ།། ལྟ་བ་དེ་ལས་འདས་གྱུར་ན།། འཁྲུལ་པས་ལམ་ནི་རྙེད་མི་འགྱུར།། དེ་ལ་ཕུར་པའི་སྤྱོད་པ་ནི།། བཙལ་བ་མེད་པའི་དབྱིངས་ཉིད་ལས།། སྙིང་པོ་དྲན་པས་ལྷར་བསྐྱེད
109a5 དེ།། ཅི་འབྱོར་མཆོད་པ་ཕུལ་ནས་ཀྱང་།། རང་གི་ལྷར་ནི་བརྟག་པར་བྱ།། འདོད་པའི་དོན་རྣམས་གསོལ་བ་གདབ།། བསྙེན་པའི་ཕྱིར་ནི་སྙིང་པོ་བཟླས།། ཐམས་ཅད་ཁྲོ་བོ་ཁྲོ་མོར་དམིགས།། འདོད་པའི་དོན་རྣམས
109a6 འགྲུབ་པར་བསམ།། མ་འགྲུབ་པར་དུ་བསྙེན་པར་བྱ།། འགྲུབ་པའི་རྟགས་ནི་བྱུང་བ་དང་།། གང་ལ་དམིགས་པའི་ངོ་བོ་ལ།། གདབ་པའི་ལས་རྣམས་བྱས་ནས་ནི།། རྣམ་ཤེས་དབྱིངས་སུ་ཡང་དག་སྤར།། ལྷག་མ་ལྷ
iiif viewer powered by OpenSeadragon
