| e-texts navigator |
| Wylie |
108b1 མེད་པ། ཡུམ་གྱི་བྷ་གར་བཞུགས་སོ།། དེ་ནས་དེ་བཞིན་གཤེགས་པ་ཐམས་ཅད་སྐུ་དང་གསུང་དང་ཐུགས་ཀྱི་བདག་ཉིད། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་སོགས་པ། འཁོར་གྱི་ཚོགས
108b2 རྒྱ་མཚོ་དང་བཅས་པས་ཞུས་པ། བཅོམ་ལྡན་འདས་འཇིགས་བྱེད་ཀྱི་རྒྱལ་པོ་བདག་ཅག་རྣམས་ལ་ཐེག་པ་ཆེན་པོ་གསང་སྔགས་ཀྱི་དོན་གཅིག་ཏུ་ཞུ་ཞེས་གསོལ་པ་ལས། བཅོམ་ལྡན་འདས་འཇིགས་བྱེད་ཀྱི་རྒྱལ་པོ
108b3 ཞེ་སྡང་རྡོ་རྗེས་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་ཞུས་པ་ལེགས་སོ།། འདི་ལྟ་སྟེ། གསང་སྔགས་ཀྱི་དོན་འདི་ངས་བཤད་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ཁྱོད་ཀྱིས་ཉོན
108b4 ཅིག། དེ་ལ་གྲུབ་པའི་འབྲས་བུ་ཚེ་འདི་ཉིད་ལ་ཐོབ་པར་འདོད་པའི་རྣལ་འབྱོར་པས། ཡང་དག་པའི་དོན་འདི་ཤེས་པར་བྱ་སྟེ། དམ་ཚིག་དང་། ལྟ་བ་དང་། སྤྱོད་པའི་སྒོ་ནས། ཐམས་ཅད་བདེ་བ་ཆེན་པོའི་དོན་ལ
108b5 དགོད་པར་བྱའོ།། དེ་ལ་ཕུར་པའི་དམ་ཚིག་ནི། ལྟ་བ་མཉམ་པར་རྟོགས་པ་དང་།། སྤྱོད་པ་ཅི་ལ་ཡང་མི་སྙོམས་ཤིང་།། ཐབས་ཀྱིས་འགྲོ་ལ་ཕན་བཞེད་པ།། དེ་ནི་དམ་ཚིག་མཆོག་ཏུ་གསུངས།། དེ་ལས་འདས་ན
108b6 ལྟུང་བར་འགྱུར།། འབྲས་བུ་ངེས་པའི་དོན་རྟོགས་ན།། ཚེ་འདི་ཉིད་ལ་གདོན་མི་ཟ།། དེ་ལ་ཕུར་པའི་ལྟ་བ་ནི།། ཡུལ་དང་སྣང་བ་ཐམས་ཅད་ནི།། དབྱིངས་ཉིད་ནམ་མཁའ་ལྟ་བུའི་ངང་།། སེམས་སུ་སྣང་བ་ཐམས
iiif viewer powered by OpenSeadragon
