| e-texts navigator |
| Wylie |
107a1 @#བརྒྱད་དུ་སྒྲོལ།། སྡུག་བསྔལ་བརྒྱད་པོ་གནས་སུ་བསྒྲལ་ནས་ཀྱང་།། བཅུ་དྲུག་རོལ་པའི་ཕོ་ཉར་གཟི་བྱིན་བསྐྱེད།། རྩེ་མོ་ཟུར་གསུམ་སྐུ་གསུང་ཐུགས་ཀྱི་ངང་།། དུག་གསུམ་འཁོར་བའི་བཙོན་ར་གོ
107a2 དྲལ་ནས།། ལུས་ངག་ཡིད་གསུམ་བག་ཆགས་གཏན་སྦྱངས་ནས།། ས་གསུམ་ཟིལ་གྱིས་མནན་པའི་གཟི་བྱིན་བསྐྱེད།། མ་བཅོས་ལྷུན་གྱིས་གྲུབ་པའི་ཀཱི་ལ་ཡ།། ཞི་བས་སྤ་བཀོང་རྒྱས་པས་ཟིལ་གྱིས
107a3 མནོན།། དབང་གིས་མངོན་སུམ་དྲག་པོས་ཚར་བཅོད་པ།། གང་ལ་དམིགས་པའི་དགྲ་བགེགས་རླག་པར་བྱེད།། ཀཱི་ལ་ཡ་ཡིས་མཆོད་པ་བཞེས་སུ་གསོལ།། ཞེས་གསུངས་སོ།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས།།
107a4 བྱིན་གྱིས་བརླབ་པ་དང་། དབང་བསྐུར་བ་དང་། བསྟོད་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་བཅོམ་ལྡན་འདས་ཀཱི་ལ་ཡའི་རྒྱལ་པོས་བཀའ་སྩལ་པ། ཉོན་ཅིག་གསང་བདག་ཕྱག་རྡོ་རྗེ།། བསྒྲལ་བའི
107a5 རྫས་མཆོག་དམ་པ་ལ།། རྟེན་འབྲེལ་ནུས་པའི་རྫས་མཆོག་གིས།། བཏབ་ན་ཤིན་ཏུ་རླག་པར་འགྱུར།། དེས་ན་བྱུག་བདུག་བརྡེག་དང་གསུམ།། གཞུང་ལས་འབྱུང་བར་ང་ཡིས་སྨྲས།། ཞེས་བཀའ་སྩལ་ཏོ།། དེ
107a6 ནས་བསྟོད་པའི་རྒྱལ་པོ་འདིས་ཆེད་དུ་བརྗོད་དོ།། དཱིཔྟ་ཙཀྲ་ཕུར་པའི་ལྷ།། དམར་པོ་གཅེར་བུ་རལ་པ་ཅན།། ཀུན་ཀྱང་ཁྲོ་བོ་ཆེན་པོ་ལ།། ཞལ་གསུམ་ཕྱག་ཀྱང་དྲུག་པ་སྟེ།། རལ་གྲིའི་སྐྲ་ལ་ཕུར་པའི་སོ།། ལྕེ
iiif viewer powered by OpenSeadragon
