| e-texts navigator |
| Wylie |
106a1 གསུམ་དག་ཏུ་དབང་བསྐུར་ནས།། སྐུ་གསུང་ཐུགས་དང་ཡང་ལྡན་ཏེ།། དེ་ལ་ནན་ཏན་བསྐྱེད་པར་བྱ།། སྔོན་སངས་རྒྱས་ཀྱིས་དེ་སྐད་གསུངས།། ངོས་གསུམ་ཧཱུཾ་གསུམ་ཡི་གེའི་ཚོགས།། འཕྲོ་འདུས
106a2 ལས་ཀྱི་སྦྱོར་བ་ལས།། བྱང་ཆུབ་སེམས་ཀྱི་གཞིར་གྱུར་པ།། རྩེ་མོ་ཉིད་ལ་བསམ་པར་བྱ།། དུས་གསུམ་རྒྱལ་བ་ཐམས་ཅད་ཀྱང་།། ཡི་གེའི་སྒྲ་ཉིད་བརྗོད་པ་ལས། ཁྲོ་བོ་བྱེ་བ་སྟོང་བྱུང་སྟེ།། ཕུར་པ་ཉིད་ལ་བསྟིམ
106a3 པར་བྱ།། ཨོཾ་ལཾ་ཧཱུཾ་ལཾ་སྟྭཾ་ལཾ་བྷནྟ་མ་ཧཱ་ཀཱ་ཡ་ཝག་ཝཱན། ཤྲི་ཀྲི་བྱི་ཀྲི་བཛྲ་ཧཱུཾ་ཀཱ་ར། ཧཱུཾ་ཧཱུཾ་ཕཊ་ཕཊ། བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿསརྦ་བིགྷྣཱན་བཾ་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ། ཧཱུཾ་ཧཱུཾ་ཕཊ་ཕཊ། བཛྲ་ཧཱུཾ་ཀཱ་ར་ཨ་ཨ
106a4 ཨ། ཁྲོ་མོ་བཞི་ཡི་བྱིན་གྱིས་རླབས་ཀྱིས།། རི་རབ་བཞིན་དུ་བརྟན་པར་འགྱུར།། རྣལ་འབྱོར་དཔའ་བོའི་ལག་པ་ལ།། ཐབས་དང་ཤེས་རབ་དཀྱིལ་འཁོར་ཏེ།། ཡབ་ཡུམ་བཅུ་ཡི་སྦྱོར་བ་ལས།། འཁོར་ལོ་གསང
106a5 བའི་དབང་སྐུར་རོ།། བསྙེན་པ་བྱེ་བས་ཡ་དང་།། བདུན་འབུམ་གྲངས་ནི་བརྗོད་མེད་ཀྱིས།། ཕུར་པའི་སྐུ་ལ་བཙུད་པ་དང་།། འཕགས་པའི་ཐུགས་དམ་རྒྱུད་བསྐུལ་བ།། མཐའ་རུ་ཕྱིན་པའི་བསྙེན་པའོ།། དེ་ནས
106a6 ཡང་ཀཱི་ལ་ཡས་རང་བཞིན་གྱི་བསྟོད་པ་འདི་གསུངས་སོ།། ཁམས་གསུམ་གདུག་པ་བསྒྲལ་བའི་ཕྱིར།། སྲིད་གསུམ་ཕུར་བུའི་རྟོགས་པའི་ངང་།། ཚམ་རྔམས་གཟི་བྱིན་གློག་ལྟར་འབར།། ལག་ཏུ་བླངས་ཏེ་དྲིལ་ནས
iiif viewer powered by OpenSeadragon
