| e-texts navigator |
| Wylie |
105b1 བརླབ།། ཕུར་པ་རྣམས་ལ་ལྷ་རྣམས་གཞུག། རྣལ་འབྱོར་གཞུང་བཞིན་བྱས་ནས་ནི།། རྣལ་འབྱོར་བཞི་དང་བསྙེན་བསྒྲུབ་བཞི།། ལམ་ལྔ་དག་དང་ཚུལ་བསྟུན་ནས།། སངས་རྒྱས་ཉིད་ཀྱིས་བཀྲི་བར་བྱ།། བདག
105b2 དོན་རྫོགས་ནས་གཞན་དོན་ནི།། གྲུབ་མཐའ་གཅིག་ཏུ་བསྟན་པའོ།། རྟེན་འབྲེལ་འཁོར་བ་དགག་པ་ནི།། ཡེ་སངས་རྒྱས་ཀྱིས་སྔོན་ནས་གསུངས།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། དཀྱིལ་འཁོར་གྱི་བཅའ་གཞི
105b3 བསྟན་པས། འཁོར་བའི་སྒོ་དགག་པ་དང་། རྟེན་འབྲེལ་རྩ་བ་གཅད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱི་བྱིན་རླབས་ཆོ་འཕྲུལ་དབང་གི་ཏིང་ངེ་འཛིན་ལ་སྙོམས་པར་ཞུགས་ནས།
105b4 འདི་སྐད་ཅེས་གསུངས་སོ།། རྫས་ལ་བྱིན་གྱིས་བརླབས་ནས་ནི།། ཕྱི་ཡི་ཕུར་པ་ནང་དབང་བསྐུར།། དེ་ཉིད་སངས་རྒྱས་དངོས་པོ་སྟེ།། དྲང་བའི་དོན་གྱིས་སངས་རྒྱས་ནི།། འགྲོ་བའི་དོན་དུ་བྱིན་བརླབ་བྱ།། བྱེ་བྲག་སོ
105b5 སོར་བཤད་པ་ནི།། སྒྲུབ་བྱེད་སྒྲུབ་མཁན་སྒྲུབ་གཞི་གསུམ།། དང་པོར་ཆོས་སྐུར་བྱིན་གྱིས་བརླབ།། རྐྱེན་གྱི་སྔགས་ཀྱང་བརྗོད་པར་བྱ།། དངོས་པོ་ཐམས་ཅད་སྟོང་པའོ།། དེ་ནས་ལོངས་སྤྱོད་རྫོགས་པའི་སྒྲ།
105b6 ལས་འོད་ཟེར་འཕྲོ་འདུ་ཡིས།། རིགས་ལྔར་བྱིན་གྱིས་བརླབ་པའོ།། དེ་ནས་སྲས་མཆོག་ཀཱི་ལ་ཡ།། སྐུ་མདོག་གདན་ཁྲི་ཆས་དང་ལྡན།། སྔགས་ཀྱི་འཕྲོ་འདུས་བསྐྱེད་པ་ནི།། སྤྲུལ་པ་ཁོ་ན་ངེས་པ་ཡིན།། གནས
iiif viewer powered by OpenSeadragon
