| e-texts navigator |
| Wylie |
104a1 མེད།། གསང་སྔགས་འདྲ་བའི་མཐུ་སྟོབས་མེད།། འདི་ཡི་སངས་རྒྱས་ཇི་ལྟ་བུ།། དམ་ཆོས་མདོ་སྡེ་གང་གི་བཀའ།། སྒྲུབ་བྱེད་དགེ་འདུན་ཇི་ལྟ་བུ།། མཐུ་ནི་གསང་སྔགས་གང་གིས་བྱིན།། ཞེས
104a2 གསོལ་པས། ལེགས་སོ་གསང་བའི་བདག་པོ་ཁྱོད།། འདི་ཡིས་སངས་རྒྱས་ང་ཡིན་ནོ།། དུས་གསུམ་རྒྱལ་བའི་ཕུར་པའི་བདག། སྒྲོལ་བ་བླ་ན་མེད་པའོ།། གསུངས་སོ་ཅོག་ནི་ཕུར་པའི་ཆོས།། དགེ་འདུན་སྒྲུབ
104a3 བྱེད་ཀཱི་ལ་ཡ།། དམ་ཚིག་སྲུང་བྱེད་སྒྲུབ་པ་བཞི།། གསུངས་སོ་ཅོག་གི་བྱིན་རླབ་ནི།། གསང་བ་མཆོག་གི་ཀཱི་ལ་ཡ།། དེ་རྣམས་ཕུན་སུམ་ཚོགས་པར་ནི།། བསྒྲུབས་ན་མི་འགྲུབ་གང་ཡང་མེད།། ཅེས་བཀའ་སྩལ
104a4 ཏོ།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། གནན་གཟེར་སྙིང་པོ་སྔགས་ཀྱི་ལེའུ་སྟེ་བཅུ་གཉིས་པའོ།། །། དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་གསོལ་པ། བཅོམ་ལྡན་བཛྲ་ཀི་ལ་ཡ།། ཨཱ་བེ
104a5 ཤ་ཡ་ཇི་ལྟར་ལགས།། ཤཱི་གྷྲིན་བྱ་བ་ཅི་ཡི་དོན།། ཛ་ལ་ཅེས་པ་གང་ལ་གསུངས།། ཏ་ཐཱ་ཡ་ནི་ཇི་ལྟར་ལགས།། ཧ་ས་བྱ་བ་དགོངས་པའི་དོན།། བྷིནྣ་བྱ་བ་ལ་སོགས་པ།། གཟིར་མནན་གསང་བའི་དོན་བཀའ
104a6 སྩོལ།། གསང་བ་ང་ཡིས་ཞུས་སོ་འཚལ།། ཀཱི་ལ་ཡ་ཡིས་བཤད་དུ་གསོལ།། ཞེས་ཞུས་པས།། ལེགས་སོ་གསང་བའི་བདག་པོ།། ཁྱོད་ཡིད་ཡང་དག་པར་སོམས་ཤིག། དེ་ཡིས་བཤད་པར་བྱའོ།། ཨཱ་ཝེ་ཤ་ཡིས
iiif viewer powered by OpenSeadragon
