| e-texts navigator |
| Wylie |
103b1 ལ།། ཕན་གདགས་དོན་དུ་ཁྱོད་ཀྱིས་གསུངས།། དེ་ཡི་དོན་དེ་ཅི་ལྟར་ལགས།། གཟུགས་ཅན་སྙིང་པོ་ཇི་ལྟར་གནས།། གཟུགས་མེད་སྙིང་པོ་ཇི་ལྟར་གནས།། ལེགས་སོ་ལེགས་སོ་གསང་བའི་བདག། རྣལ་འབྱོར
103b2 དམ་ལ་གནས་པ་ལ།། བར་ཆོད་བྱེད་ཅིང་འཚེ་བ་རྣམས།། བསྟན་པ་འཇིག་ཅིང་གནོད་བྱེད་པ།། གཟུགས་ཅན་དང་ནི་གཟུགས་མེད་ལ།། གདུག་པའི་སྙིང་པོ་གང་ན་གནས།། ང་ཡིས་བཤད་ཀྱི་ཁྱོད་ཀྱིས
103b3 ཉོན།། ཞེས་བཀའ་སྩལ་པ། མ་རུངས་སེམས་ཅན་སྙིང་པོ་ནི།། འབྱུང་བ་བཞི་ལས་བསྐྱེད་པ་ཡི།། ཕུང་པོའི་དཀྱིལ་ན་ཙིཏྟ་གནས།། ཙིཏྟའི་དཀྱིལ་ན་འོད་ཚོན་གང་།། དེ་ཡི་དཀྱིལ་ན་ཉོན་མོངས་པ། ཁྲག་གི་སྦལ་པ
103b4 ཆགས་པའི་གཞི།། བྱིའུ་ལེན་པའི་མགོ་ཙམ་ཞིག། དེ་ནི་རྩ་ཡི་རྒྱ་མདུད་ཡིན།། དེ་ནང་ཁྲག་གི་དྭངས་མ་སྟེ།། དྭངས་མ་དེ་ལ་དབུགས་ཀྱི་རྟ།། རྟ་དེ་ལ་ནི་ཤེས་པ་ཞོན།། དེ་ཚེ་བཀྲག་དང་གཟི་མདངས་དང་།། རྩི
103b5 བཅུད་ཐམས་ཅད་རྒྱ་འདྲ་བ།། ནང་ན་སྦས་ནས་འདུག་པ་སྟེ།། སྙིང་པོ་གསུམ་གྱིས་གཟིར་གནན་བྱ།། དེ་ནི་གཟུགས་ཅན་དགྲ་ལའོ།། གཟུགས་མེད་བགེགས་ཀྱི་གནས་ལུགས་ནི།། དེ་ནི་གཟུགས་ཅན་མེད་ཕྱིར
103b6 དུ།། རྩ་ལ་བརྟེན་པ་མ་ཡིན་ནོ།། དེ་ནས་ཡང་གསང་བའི་བདག་པོས།། བཅོམ་ལྡན་འདས་ལ། ཀྱེ་ཀྱེ་སངས་རྒྱས་འདྲ་བའི་སྟོན་པ་མེད།། དམ་ཆོས་འདྲ་བའི་སྒྲོལ་ཐབས་མེད།། དགེ་འདུན་འདྲ་བའི་སྒྲུབ་བྱེད
iiif viewer powered by OpenSeadragon
