| e-texts navigator |
| Wylie |
100b1 ན།། མར་གྱི་དངོས་པོ་ག་ལ་ཡོད།། དཔེར་ན་འབྲུ་མར་ཐམས་ཅད་ཀྱང་།། དངོས་པོའི་ལས་རྣམས་ཇི་བཞིན་པར།། མང་པོ་འདུས་པས་མར་དུ་འགྱུར།། དེ་བཞིན་རྣལ་འབྱོར་ཐམས་ཅད་ཀྱང་།། སྐས་ཀྱི་རིམ་པ་ཇི
100b2 བཞིན་དུ།། ས་དང་ལམ་ལ་མི་གནས་ན།། སངས་རྒྱས་བྱ་བ་ཐོབ་མི་འགྱུར།། དེ་བས་རྣལ་འབྱོར་ཐབས་ལྡན་གྱིས།། བསྐལ་པ་མང་པོ་དུ་མ་རུ།། སྐས་ཀྱི་རིམ་པ་བཞིན་དུ་བགྲོད།། སྔོན་ཚེ་སངས་རྒྱས་ཐམས་ཅད
100b3 ཀྱང་།། ལམ་དང་ས་ལ་བརྟེན་བྱས་ནས།། བྱང་ཆུབ་མྱུར་དུ་ཐོབ་པ་ཡིན།། མར་མེ་མཛད་དང་ཤཱཀྱ་ཐུབ།། མ་འོངས་བྱམས་པའང་དེ་བཞིན་ཏེ།། དཔེར་ན་དཔའ་བོས་འདའ་འཕངས་པ།། ས་ལ་ལྷུང་བའི་གནས་མེད
100b4 ལྟར།། བྱ་བཙལ་དག་གིས་འཕངས་གྱུར་ན།། གཅིག་ནས་གཅིག་ཏུ་བགྲོད་ནས་ནི།། རྡོ་རྗེ་ལྟ་བུ་ས་ཐོབ་སྟེ།། སྨོན་ལམ་སྟོབས་ཀྱིས་འབྱུང་བར་འགྱུར།། དེ་སྐད་དཔའ་བོས་ཡང་དག་གསུངས།། དེ་ནས་ཡང་བཅོམ
100b5 ལྡན་འདས་ལ་གསང་བའི་བདག་པོས་གསོལ་པ། ཀྱེ་ཀྱེ་ཁྲོ་རྒྱལ་ཀཱི་ལ་ཡ།། དེ་ལྟར་ཐམས་ཅད་གཅིག་གྱུར་ན།། གཟུགས་ཀྱི་ཁ་དོག་སྡེ་ལྟར་ལགས།། སྒྲ་ཡི་རྣམ་པ་ཇི་ལྟར་ལགས།། དྲི་ཡི་རྣམ་པ་ཇི་ལྟར
100b6 ལགས།། རོ་ཡི་རྣམ་པ་ཇི་ལྟར་ལགས།། རེག་བྱའི་རྣམ་པ་སྡེ་ལྟར་ལགས། ཆོས་ཀྱི་རྣམ་པ་ཇི་ལྟར་ལགས།། ཞེས་གསོལ་པ་དང་། ཀཱི་ལ་ཡས། གསང་བའི་བདག་པོ་ང་ལ་ཉོན་ཅིག། ཆོས་ཀྱི་རྣམ་པ་ཐམས་ཅད
iiif viewer powered by OpenSeadragon
