| e-texts navigator |
| Wylie |
100a1 རིང་ཐུང་རྣམ་པ་ང་།། ཀུན་རྫོབ་ཐ་སྙད་ཐམས་ཅད་ང་།། རྣམ་གྲངས་དོན་དམ་ཐམས་ཅད་ང་།། སྤྲོས་མེད་ཆོས་ཀྱི་སྐུ་ཡང་ང་།། འདུས་བྱས་རྣམ་དག་ཡེ་ཤེས་ང་།། འདུས་མ་བྱས་པའི་དངོས་པོ
100a2 ང།། མི་ཤིགས་རྡོ་རྗེ་ཆོས་ཉིད་ང་།། ཀུན་འདེབས་པ་ཡི་ཕུར་པ་ང་།། མདོར་ན་ཆོས་རྣམས་ཐམས་ཅད་ང་།། ཆོས་ཀྱི་སྐུ་ལས་མ་གཏོགས་པ།། སངས་རྒྱས་བྱ་བ་གུད་ན་མེད།། མདོར་ན་གཟུགས་སྐུ་རྣམ་གཉིས
100a3 ནི།། འགྲོ་བ་འདུལ་བའི་དབང་ཙམ་མོ།། མཚན་དང་དཔེ་བྱད་འདུལ་བའི་ཆོས།། ལས་དང་དཀྱིལ་འཁོར་སྤྲོས་པ་ཡིས།། རྨོངས་པ་འདུལ་བའི་དབང་དུ་བསྟན།། མདོར་ན་མ་དག་སེམས་ཅན་ལ།། སངས་རྒྱས་ས
100a4 དང་དམྱལ་བའི་གནས།། སོ་སོར་བསྟན་ཀྱང་མཐོང་བ་མེད།། འདོད་ཅིང་ཆགས་པའི་སེམས་ཅན་ནི།། ཡང་དག་དོན་གྱི་ཆོས་བསྒྲུབས་ཀྱང་།། ལྷ་གནས་གསུམ་ལས་ཡོངས་མི་འདའ།། ཆོས་རྣམས་ཀུན་གྱི་རྩ་བ
100a5 ནི།། གཞི་རྩ་མེད་པའི་སེམས་ཉིད་དེ།། ཆོས་རྣམས་ཀུན་གྱི་གཞི་ཡིན་ནོ།། དེ་རྟོགས་རང་བྱུང་ཡེ་ཤེས་ནི།། བཙལ་མི་དགོས་པར་རང་ལ་གནས།། རྟོགས་ན་མངོན་སངས་རྒྱས་པ་ཡིན།། སངས་རྒྱས་གཞན་ལ་རག
100a6 མི་ལུས།། མ་རྟོགས་པ་ཡི་སེམས་ཅན་ནི།། དམུས་ལོང་ཉི་མ་ལྟ་བུ་ཡིན།། སེམས་ཅན་སངས་རྒྱས་རྒྱུ་ཡིན་ཏེ།། བྱ་བཙལ་མེད་ན་འཁོར་བའི་རྒྱུ།། དཔེར་ན་འོ་མ་མར་ཡིན་ཏེ།། ལག་གི་རྩོལ་བས་མ་བསྒྲུབས
iiif viewer powered by OpenSeadragon
