| e-texts navigator |
| Wylie |
99b1 དང་སྨོན་ལམ་ལེགས་པར་བྱ།། དེ་ནས་བདག་ཉིད་སྔགས་དང་ནི།། མཆེད་བཞིའི་གསང་སྔགས་སྭཱ་ཧ་ཅན།། བར་བཅུག་རབ་བཟླས་སྲོག་ཀྱང་དབྲོག། ནུས་པ་དག་དང་ལྡན་པར་བྱ།། བར་བར་མཆོད་བསྟོད་གནད
99b2 ལ་དབབ།། རང་རང་དམ་རྫས་ལེགས་པར་བསྟབ།། དེ་ལ་རྟགས་རྣམས་ངེས་པ་ནི།། བུད་མེད་ནག་མོར་དབང་བསྐུར་དང་།། བདག་ལ་ཕྱག་བྱེད་མར་འོད་པ།། འདི་ནི་གྲུབ་སྟེ་དངོས་གྲུབ་བླང་།། དེ་ནས་གསད
99b3 པའི་ལས་བྱ་བ།། འབྲུབ་ཁུང་ལྔ་རུ་ངེས་པར་བྱ།། དེ་ནས་ཐོད་པ་ལིངྒ་དང་།། དྲག་པོའི་རྫས་རྣམས་ལེགས་པར་བྱ།། གབ་པའི་ལས་ཀྱི་ལས་བྱའོ།། མིང་པོའི་འགུགས་སྔགས་ཤེས་པར་བྱ།། རབ་བསྐྱེད་མཐིང་ནག
99b4 འབར་བ་ཡིས།། ཉམས་པ་དགུག་པའི་ལས་བྱའོ།། སྔགས་ལ་བསད་པའི་སྔགས་བཏགས་སོ།། བསད་པ་ལ་སོགས་དགོངས་པ་ཡིན།། ཉམས་པ་ངེས་པར་གསད་པར་བྱ།། དང་པོ་དུས་ལ་བབ་དྲུག་དང་།། དེ་འོག
99b5 བཅུ་གཅིག་དམོད་པ་ཡིས།། རྡོ་རྗེ་ཚིག་བཞིས་གནད་ལ་དབབ།། ཐུན་ལ་སོགས་པའི་སྦྱོར་བ་བྱ།། རྟགས་བྱུང་ཕུར་བཏབ་བསྲེག་འཕང་གནན།། མ་གྲུབ་དུས་ན་ཤི་ས་བསྟན།། འདི་ནི་མིང་པོ་ལས་ཡིན
99b6 ཏེ།། ཉམས་པ་བསད་པའི་མཆོག་ཡིན་ནོ།། ཁ་སྐོང་ལས་ནི་མཆོག་བསྒྲུབ་པ།། གཞན་དུ་གསུངས་པ་ངེས་པ་ཡིན།། ཤྭ་ན་མུ་ཁའི་སྒྲུབ་པ་ནི།། གོང་བཞིན་ཡོན་ཏན་ལྡན་པར་བྱ།། ཤྲ་ན་བསྒྲུབ་པའི་གནས་སུ
iiif viewer powered by OpenSeadragon
