| e-texts navigator |
| Wylie |
99a1 ཡ།། ཨེ་མ་ཧོ་ངོ་མཚར་ཆེན་པོ་གསུང་།། དམ་ཅན་མིང་སྲིང་བསྒྲུབ་པ་དང་།། གཙོ་བོ་ལ་སོགས་སྒྲུབ་ཐབས་གསུངས།། དེ་སྐད་གསོལ་གསན་གཙོ་བོ་ནི།། རབ་ཏུ་བསྒྲུབ་པ་ཞེས་བྱ་བའི།། ཏིང་ངེ
99a2 འཛིན་ལ་སྙོམས་ཞུགས་ཏེ།། ཡང་དག་པར་ནི་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་ཕྱི་རབས་འཇུག་པ་ཡི།། དེ་ཡི་ཕྱིར་ན་ངས་བཤད་དོ།། དུས་ལ་བབ་ན་བདུན་པོ་ལ།། སྒྲུབ་ཐབས་རེ་རེ་ངས
99a3 གསུངས་སོ།། དང་པོ་ནག་མོ་བསྒྲུབ་བྱ་བ།། ཁ་སྐོང་མི་སྐོང་ཤེས་པར་བྱ།། རྣལ་འབྱོར་ཡོན་ཏན་ལྡན་པ་དང་།། ཕུར་པའི་དོན་རྣམས་ཤེས་པ་ཡིས།། རབ་ཏུ་དབེན་པར་ལེགས་བསྒྲུབ་པོ།། འཁོར་ལོ་རྩིབས་བཞི
99a4 ལྡན་པ་ཡི།། དབུས་སུ་བསྙེན་ཕུར་ཕྱོགས་བཞིར་ཕུར།། ནག་མོ་བཞི་ཡི་ཕུར་པ་དགོད།། ཐོད་པ་བཞི་ལ་ཐུན་དང་བཅས།། ཁྱི་ཡི་ལྟེ་ཁྲག་ནལ་བུའི་ཤ། བུད་མེད་མངའ་ཁྲག་སྦལ་པའི་མགོ། རམས་ཀྱི་ཕྱེ་མོ་རྡོ་སོལ
99a5 དང་།། ཁྲག་ཆེན་མུ་ཟི་གཏོར་མ་སྨན།། གཞན་ཡང་རྫས་རྣམས་མང་པོ་བསོག། རྡོ་རྗེ་ཁྲོས་པ་ལ་སོགས་པས།། དབུས་སུ་བདག་ཉིད་དཔལ་ཆེན་བསྐྱེད།། འཁོར་ལོ་བཞི་ལ་སྤྱན་བཞི་སྟེ།། རེ་མ་ཏི་དང་རེ་མ་ཛ།། རེ
99a6 མ་ཛི་དང་རེ་མ་ཛུ།། སྐུ་མདོག་རང་རང་རིགས་དང་བསྟུན།། ཆིབས་དང་ཡང་ན་རྐྱང་པ་སྟེ།། རང་རང་ཕྱག་མཚན་ཕུར་བུ་བསྣམས།། རྒྱན་དང་ལྡན་པ་རབ་ཏུ་བསྐྱེད།། རང་བཞིན་སྤྱན་དྲང་མཆོད་པ་འབུལ།། བསྟོད
iiif viewer powered by OpenSeadragon
