| e-texts navigator |
| Wylie |
98b1 པའོ།། གསང་སྔགས་འདི་ནི་ཐབས་ཆེན་པོ།། འབྲས་བུ་ལས་ནི་འབྲས་བུར་ངེས།། གང་ཡང་འབྲས་བུ་ངེས་པ་སྟེ།། ལྷ་ལས་ལྷ་ཡི་འབྲས་བུ་དང་།། ལྷ་ལས་ལྷ་ཡི་ལྟ་བ་སྟེ།། གང་ཞིག་འབྲས་བུ་ལམ་བྱས་པས།། ཚེ
98b2 གཅིག་དག་ལ་སངས་རྒྱས་འགྲུབ།། འདི་ནི་རྫོགས་པའི་རྗེས་སུ་སྟེ།། ཉལ་དང་འདུག་དང་འགྲོ་བ་དང་།། སྒྲ་དང་ཟ་དང་བཀོལ་པ་དང་།། འགྲེངས་སོགས་སྤྱོད་པ་ལ་བསྒོམས་པས།། ལྷ་ཡི་རྣལ་འབྱོར་རབ་གནས
98b3 པས།། ཚོགས་གཉིས་རྫོགས་ཏེ་ས་གཉིས་ནོན།། འདི་ནི་རྒྱུན་གྱི་ཏིང་འཛིན་ཏེ།། ལྟ་བ་སྤྱོད་པ་ཕྲིན་ལས་དང་།། དམ་ཚིག་བསྐྱེད་པ་ཚོགས་མཆོད་དང་།། ལྷག་མ་བསྡུ་བ་དབང་ཚང་ན།། འདི་ནི་ཕུར་པའི་རྣལ་འབྱོར
98b4 ཡིན།། ལྟ་བ་དབྱིངས་ཉིད་དོན་རྟོགས་ཀྱང་།། སྲོག་ཆགས་ཕྲ་མོ་གསད་མི་བྱ།། ཉམས་པ་བདུན་ནི་མ་གཏོགས་སོ།། ཐེག་པ་ཆེན་པོའི་མཛད་སྤྱོད་ཀྱང་།། ཕྲ་བའི་ཆོས་ལ་ནན་ཏན་བྱ།། བརྟུལ་ཞུགས་ལ་སོགས་བྱ་བ
98b5 ཡང་།། རྣལ་འབྱོར་གསུམ་གྱི་རིམ་པར་སྤྱད།། ཕྲ་མོ་ཐིག་ལེ་ཐེག་ཆེན་ནི།། གང་རིགས་སྤྱད་པས་སངས་རྒྱས་འགྱུར།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པར་རིག་པའི
98b6 རྒྱུད་ལས། གསང་བའི་དབྱེ་བ་གསུམ་བསྟན་པ་སྟེ་ལེའུ་བཅུ་གསུམ་པའོ།། །། དེ་ནས་ཀརྨ་ཧེ་རུ་ཀས།། ཕྱི་ནང་མཆོད་པ་རབ་མཆོད་དེ།། བཅོམ་ལྡན་འདས་ལ་འདི་སྐད་གསོལ།། ཀྱེ་བཅོམ་ལྡན་བཛྲ་ཀཱི་ལ
iiif viewer powered by OpenSeadragon
