| e-texts navigator |
| Wylie |
96b1 རྒྱས་བདེ་ཆེན་འཁོར་ལོ་ལ།། རྩ་འདབ་སུམ་ཅུ་རྩ་བཞི་གནས།། མགྲིན་པ་ལོངས་སྤྱོད་འཁོར་ལོ་ལ།། རྩ་འདབ་དྲུག་ཅུ་དག་ཏུ་གནས།། སྙིང་ག་ཆོས་ཀྱི་འཁོར་ལོ་ནི།། རྩ་ཡི་འདབ་མ་བརྒྱད་དུ་གནས།། ལྟེ་བ་སྤྲུལ
96b2 པའི་འཁོར་ལོ་ནི།། རྩ་འདབ་དྲུག་ཅུ་རྩ་བཞི་སྟེ།། མེ་རླུང་འཁོར་ལོ་གཞུ་གྲུ་གསུམ།། གནས་པ་རྩ་བའི་དབྱིབས་སུའོ།། འཁོར་ལོ་རིན་ཆེན་པདྨ་དང་།། རྒྱ་གྲམ་དབྱིབས་སུ་ངེས་གནས་པ།། སྒོ་མོའི་དོན་རྣམས་ཤེས
96b3 པར་བྱ།། ཨོཾ་དང་ཨཱཾ་དང་ཧཱུཾ་དང་ནི།། ཨེ་དང་ཡཾ་དང་རཾ་གནས་པ།། སྟོན་པ་བྱང་སེམས་རིམ་པས་གནས།། རྩ་གསུམ་རངས་པ་འབྲེལ་བའོ།། དང་པོ་གསལ་བྱེད་ཡི་གེ་སྟེ།། གཉིས་པ་དབྱངས་ཡིག་དག་དང
96b4 སྦྱར།། གསུམ་པ་རང་གི་འབྲུ་དགུའོ།། བཞི་པར་ཨོཾ་ལཾ་ཧཱུཾ་ལཾ་ནི།། གནས་པར་ངེས་པར་ཤེས་པར་བྱ།། དང་པོར་བྱང་སེམས་གཉིས་པ་ནི།། མཆོད་པའི་སེམས་དཔའ་ཡབ་ཡུམ་དང་།། གསུམ་པ་ཁྲོ་བཅུ་འཁོར
96b5 བཅས་སོ།། བཞི་པ་ཕྲ་ཐབས་ཡང་སྤྲུལ་ལོ།། དེ་ལྟར་ཤེས་པའི་རིམ་པ་ཡིས།། ཁྲོ་མོའི་ཕུར་པ་རབ་འབར་བས།། སྟེང་ནས་བྱང་སེམས་དབབ་པར་བྱ།། རླུང་གིས་མེ་སྦར་གྱེན་ལ་ནི།། སྤྲུལ་པའི་གནས་ནས་ཡི་གེ
96b6 རྣམས།། ལུས་ཞུ་མགོ་ནི་མ་ཡིན་ཏེ།། གྱེན་ལ་དེ་བཞིན་གནས་གསུམ་དུ།། སྦར་ལ་ཤེས་རབ་རྩ་ནས་དེངས།། ཕྱིར་འཕྲོས་མ་ལུས་མཆོད་པར་བྱས།། ཐམས་ཅད་བྱང་སེམས་རབ་བསྡུས་ཏེ།། ཕུར་པ་ཐེབས་ནས
iiif viewer powered by OpenSeadragon
