| e-texts navigator |
| Wylie |
96a1 གནས།། གཏིང་དཔག་མེད་པའི་དབྱིངས་ཉིད་དུ།། བྱང་སེམས་ཕུར་པས་མ་ལུས་ཐེབས།། ཁྲོ་བོ་འབར་བའི་གཏུན་ཁུང་དུ།། རྡོ་རྗེ་གསང་བའི་ཐོ་བ་ཡིས།། བརྡུངས་ནས་མ་ལུས་ཡང་དག
96a2 བསྒྲལ།། བསྐྱེད་དང་རྫོགས་པ་གཉིས་ཡིན་ཏེ།། དེ་ལ་གཉིས་གཉིས་ཤེས་པར་བྱ།། ཏིང་འཛིན་རྣམ་གསུམ་རིམ་པ་ནས།། གཞལ་ཡས་ལྷ་བཅས་བསྐྱེད་པ་ཡང་།། སྣང་སྟོང་དབྱེར་མེད་སྐུ་ལྡན་ལ།། ཉམས་སུ་ཡང
96a3 མ་བླང་བ་ཡིས།། རྟགས་ནི་རིམ་པ་བཅུ་ཡིན་ཏེ།། ཁམས་གསུམ་ས་བཅུ་ལས་འདས་པའོ།། བསྐྱེད་པའི་དོན་རྣམས་དམ་ཚིག་རྒྱ།། ཡང་ན་རང་བཞིན་གནས་པ་ལ།། ཁྲོ་མོས་རྡོ་རྗེས་གླུས་སྐུལ་བས།། བསྐྱེད་པ་ལྟ
96a4 བུར་ལྷ་རྣམས་བསྐྱེད།། གོང་བཞིན་ངེས་པ་དེ་འདྲར་བཤད།། འདི་ཡང་ཆོས་ཀྱི་ཕྱག་རྒྱའོ།། ཡང་ན་བསྐྱེད་པ་ལས་ཀྱི་རྒྱ།། ཡུམ་བསྐྱེད་དམ་ཚིག་ཕྱག་རྒྱ་ཡིན།། ལྷ་ཡི་དོན་ཤེས་ཆོས་ཀྱི་རྒྱ།། ཕུར་པ་དབྱེར་མེད་ཕྱག
96a5 རྒྱ་ཆེན་པོའོ།། རྫོགས་པའི་རིམ་པ་བཤད་པ་ནི།། བདག་ཉིད་ལྷ་རུ་གནས་པ་ལ།། རྩ་ཡི་རྣམ་པ་མང་ཡོད་དེ།། ཐབས་དང་ཤེས་རབ་གཉིས་མེད་པ།། ཨཱ་ལི་ཀཱ་ལི་ཨ་དྷཱ་ཏཱི།། གཞན་མ་ཐམས་ཅད་ཁྱབ་པ་ནི།། མང
96a6 པོ་ཡོད་པར་གནས་པ་ཡིན།། གནས་པ་རྩ་ལ་གཡོ་བ་རླུང་།། མི་ཤིགས་བྱང་ཆུབ་སེམས་སུ་བསྟན།། ལུས་ལ་འཁོར་ལོ་ལྔ་ཡོད་དེ།། ཡེ་ནས་གནས་པར་ངེས་པ་ཡིན།། རྣལ་འབྱོར་པ་ཡིས་ཡང་དག་བསམ།། ཀླད
iiif viewer powered by OpenSeadragon
