| e-texts navigator |
| Wylie |
94a1 འཁོར་ལོ་དང་།། ལིངྒ་ཕུར་པ་ད་ལ་འོག་མནན།། འདིས་ནི་ཉམས་པ་བདུན་སྒྲོལ་ཏེ།། དེ་ཡང་ལམ་དུ་ཤེས་པར་བྱ།། གཉིས་མེད་རྟོགས་པའི་རྣལ་འབྱོར་པས།། ཉམས་པ་བསྒྲལ་ན་མངོན་སངས
94a2 རྒྱས།། ཐམས་ཅད་ལྡན་ན་རྣལ་འབྱོར་ཡིན།། སྤྱིར་ན་གསང་སྔགས་ངེས་པ་ལ།། ཏིང་འཛིན་གསུམ་བསྐྱེད་བསྙེན་པ་ཡིན།། བདག་ཉིད་ལྷར་བསྐྱེད་ཉེ་བསྙེན་ཡིན།། ཡུམ་བསྐྱེད་བསྒྲུབ་པར་ཤེས་པར་བྱ།། གཞན
94a3 རྣམས་བསྒྲུབ་པ་ཆེན་པོ་ཡིན།། འདི་ནི་གསང་བའི་རིམ་པ་སྟེ།། འགྲོ་བའི་དོན་དུ་བཤད་པ་ཡིན།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ནང་གི་དབྱེ་བ
94a4 གསུམ་བཤད་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ནི་བཤད་བྱ་བ།། གསང་བའི་དོན་གསུམ་ཕྱེ་བ་རྣམས།། ཡང་དག་པར་ནི་བཀའ་སྩལ་ཏོ།། གསང་བའི་དོན་རྣམས་ཤེས་པ་དང་།། ཆོས་ཅན་དངོས
94a5 པོར་སྣང་བ་རྣམས།། ཕུར་པའི་དོན་གྱིས་གཏན་ཕེབས་པ།། ཡང་དག་ཕུར་པའི་དོན་བསྒྲུབ་པའི།། གསང་བའི་ཕྱི་ནི་འདི་ལྟ་སྟེ།། རབ་ཏུ་དབེན་པའི་གནས་དག་ཏུ།། ཕུར་པ་ངན་སྔགས་དྲིལ་ལ་བསྒྲུབ།། ས་ལ་གྲུ
94a6 གསུམ་ལེགས་བྱས་ལ།། ནག་པོ་བྱུགས་པ་དེ་ཡི་ནང་།། རབས་ཆད་ངེས་པའི་ཐོད་པ་ལ།། ཁྲུས་བྱས་གཞལ་ཡས་ཁང་པར་བྱ།། ཁྲག་དང་དུག་ནི་སྣ་ཚོགས་བླུག། དྲི་མ་དག་ལས་ལིངྒ་ནི།། ཐོད་པའི་ནང་དུ་བཙིར
iiif viewer powered by OpenSeadragon
