| e-texts navigator |
| Wylie |
93b1 ངན་ནང་དུ་ནི།། ལིངྒ་ཁྲག་ཏུ་བཅས་པ་གཞུག། སྲས་མཆོག་ཕུར་པ་ལྟར་གཟིར་གཞག། འབྲུབ་ཁུང་ནང་དུ་གཞུག་པར་བྱ།། འཁོར་ལོ་རྩང་གི་ཁ་ལ་བརྒྱངས།། དྲག་པོའི་རྫས་ནི་མང་པོ་རྣམས།། ཐོད་པ་ཚལ་བུའི
93b2 ནང་དུ་བསག། གོང་བཞིན་ལྷ་རྣམས་རྫོགས་ཚུལ་བསྟན།། མཐིང་ནག་ཕྱག་ན་འཁོར་ལོ་བསྣམས།། ཕུར་པ་དག་ལས་རབ་རྫོགས་པ།། སྲས་ནི་གོང་དུ་བཤད་པ་བཞིན།། གྲུ་གསུམ་ནང་དུ་ལྷ་རྣམས
93b3 བསྐྱེད།། འཁོར་ལོ་དགྲ་བོའི་ལྟོ་བར་དམིགས།། དེ་ལྟར་གསལ་བ་གསུམ་ལྡན་པས།། གབ་པའི་སྔགས་ཀྱིས་དགུག་གཞུག་བྱ།། གབ་སྔགས་ཐེམ་པར་བཅས་པ་ལ།། མཱ་ར་ཡ་བཅུག་བཟླས་པར་བྱ།། ལྕགས་ཀྱི
93b4 འཁོར་ལོ་རབ་བསྐོར་བས།། དགྲ་བོའི་སྲོག་རྩ་གཅད་པར་བསམ།། ལྷ་ཡི་ཕྱག་མཚན་དེ་བཞིན་ནོ།། བར་བར་དཔའ་བོ་གཅིག་པ་དང་།། དམ་ཅན་སྔགས་ཀྱིས་ཐུན་ཕབ་པས།། ངེས་པར་བསད་པའི་ཏིང་འཛིན།
93b5 བྱ།། རྩ་བ་རངས་པ་དྲག་པོས་བསྐུལ།། འཁོར་ལོ་གཡས་སུ་ངེས་པར་བསྐོར།། དེ་ལྟར་རབ་ཏུ་བྱས་པ་ཡིས།། ཉམས་པ་གསོད་པའི་རྟགས་བསྟན་པ།། ཉམས་པ་ཁུགས་དང་རི་དྭགས་བསད།། བླ་ཤིང་བཅད་དང
93b6 བྲག་གཤག་དང་།། སེམས་ཅན་མང་པོ་བསད་པ་སྟེ།། འདི་ནི་ཀུན་ལ་ཤེས་པར་བྱ།། དེ་ནས་དཔའ་བོ་གཅིག་པ་ཡིས།། འཁོར་ལོ་ལིངྒ་བཅས་པ་རྣམས།། བསྟབ་ལ་དོན་རྣམས་ངེས་པར་བྱ།། ཁྲག་འཕང་ཐོད་པ
iiif viewer powered by OpenSeadragon
