| e-texts navigator |
| Wylie |
93a1 ལེགས་བཅུག་ལ།། ཐུན་རྫས་བཅུ་གཉིས་ཡང་ན་དྲུག། གསུམ་མམ་གཅིག་ཏུ་ངེས་པར་བསྟན།། ཐུན་ཁྲག་མང་པོས་ལིངྒ་ཡང་།། སྔགས་དང་བཅས་པ་ལེགས་པར་བྱ།། རྫོགས་པའི་ལྷ་རྣམས་དྲག
93a2 པོར་བསྐྱེད།། ཐམས་ཅད་མ་ལུས་ཁྱབ་པ་ནི།། ཏིང་ངེ་འཛིན་གྱིས་བསམ་པར་བྱ།། ཐོད་པ་ལྕགས་མཁར་སྒོ་མེད་དུ།། དགྲ་བོ་ངེས་པར་གསལ་མི་གསལ།། གབ་པའི་ལས་རྣམས་རྫོགས་པར་བྱ།། དམ་ཅན་བཅུ
93a3 གཉིས་དྲག་སྔགས་སམ།། སྔགས་དྲུག་ཁྲོ་བོ་ལ་སོགས་གསུམ།། གཅིག་ནི་དཔའ་བོ་གཅིག་པ་སྟེ།། གཉིས་ནི་གོང་བཞིན་རབ་ཏུ་གཞུག། དྲག་པོའི་རྫས་རྣམས་ཐུན་ཕབ་པས།། སྤྲུལ་པ་མང་པོས་བསད་པར
93a4 བསམ།། འདི་ནི་མན་ངག་ངེས་པ་སྟེ།། ཐ་མ་ཟོར་དུ་འཕང་བའོ།། ནང་གི་ནང་དུ་ཤེས་པར་བྱ།། དེ་ལ་ནང་གི་གསང་བ་ནི།། གོང་བཞིན་བསྙེན་པ་ཚང་བ་ཡིས།། རབ་ཏུ་དབེན་པའི་གནས་དག་ཏུ།། མཎྜལ་གྲུ
93a5 གསུམ་ལེགས་པར་བྱ།། ཟུར་ལ་རྩང་གསུམ་དགོད་པར་བྱ།། དུར་ཁྲོད་རོ་རས་འཇིགས་པ་ལ།། དགྲ་བོའི་གཟུགས་ལ་འཁོར་ལོ་དྲུག། སྤྱི་བོར་ཨོཾ་ལཾ་ཀི་ལ་ཡ།། གཡས་སུ་ཧཱུཾ་ལ་གཡོན་དུ་ཕཊ།། དཔྲལ་བར་རུས་ལ
93a6 སྙིང་གར་མིང་།། འདོམས་སུ་མི་འགྱུར་ངེས་པའོ།། རྩིབས་ལ་སྔགས་དྲུག་འཕྱང་དང་བཅས།། ལྟེ་བར་དམ་ཅན་མང་པོའི་སྔགས།། ཐ་མར་དཔའ་བོ་གཅིག་པར་ནི།། དུག་ཁྲག་དྲི་མ་བསྲས་པར་བྲི།། ཐོད་པ་མཚན
iiif viewer powered by OpenSeadragon
