| e-texts navigator |
| Wylie |
92a1 དང་།། བར་མའི་གབ་པའི་ཚིག་གཅིག་དང་།། སྔགས་དང་ཏིང་འཛིན་བཅས་པ་ཡིས།། འཕང་ན་ཉམས་པ་ངེས་པར་འཆི།། གང་གི་ལིངྒའི་ངོ་བོ་ཡང་།། ཐོད་པའི་འཁོར་ལོ་རབ་བཅུག
92a2 ལ།། གཟིར་བའི་ཕུར་པ་དང་བཅས་པས།། གནན་ས་ངེས་པའི་སར་སོང་ལ།། གྲུ་གསུམ་བྲུས་ལ་ཁ་ཡང་བཅད།། དེ་རུ་ལྷ་རྣམས་ཀུན་བསམ་ལ།། དོན་ཡོད་གྲུབ་པས་གནན་པར་བསམ།། དང་པོ་དཀྱུས་ཚིག་ལྔ་པ
92a3 དང་།། གབ་པའི་ཚིག་གཅིག་སྔགས་བཅས་པས།། ཏིང་ངེ་འཛིན་གྱིས་ངེས་པར་མནན།། དེས་ནི་བསྐལ་པ་བརྒྱར་མི་འཚོར།། འདི་ནི་ལས་ཀྱི་མཐའ་བརྟུལ་ཏེ།། ཀུན་ལ་ཡང་དག་ཤེས་པར་བྱའོ།། ཁ་མི་སྐོང་བའི
92a4 ལས་ཡིན་ཏེ།། ཉི་ཤུ་རྩ་གཅིག་ངེས་པའི་དོན།། ཀུན་ལ་དོན་གྱིས་ཤེས་པར་བྱའོ།། འདི་ནི་མན་ངག་ཡང་དག་སྟེ།། ཀུན་ལ་ཡང་དག་གསང་བར་བྱའོ།། གཞི་ནི་སྙིང་རྗེས་གཟུང་བ་དང་།། རྩ་བ་བྱང་སེམས་རྟོགས་པ
92a5 དང་།། ཟག་ནི་ལྟ་བས་བཅད་པ་དང་།། ལ་ནི་སྤྱོད་པས་དོར་བ་དང་།། དབང་ནི་དམ་ཚིག་སྒྲོལ་བས་ཏེ།། ངོ་བོ་ངེས་ཚིག་དབྱེ་ཤེས་ན།། གང་བྱས་སངས་རྒྱས་འགྲུབ་པར་ངེས།། ཕྱི་ནང་ཀུན་ལ་ཚོགས་བསགས
92a6 པ།། རྒྱུ་ཉིད་བསོད་ནམས་ཚོགས་གཉིས་ཏེ།། གང་ལ་གང་གིས་ཚོགས་གསོག་པ།། འབྱོར་པའི་ཡོ་བྱད་མང་པོ་རྣམས།། རིན་པོ་ཆེ་ཡི་སྣོད་ནང་དུ།། བསངས་ལ་འབྲུ་གསུམ་དག་པ་དང་།། བདུད་རྩི་འཁྱིལ་བའི
iiif viewer powered by OpenSeadragon
