| e-texts navigator |
| Wylie |
91b1 པས་མ་ལུས་རྡུལ་དུ་བརླག། གཏུབས་པའི་བཀའ་བསྒོ་བསྟབ་པ་ནི།། རྡོ་རྗེའི་ཚིག་ནི་ལྔ་རྣམས་དང་།། སྔགས་དང་ཏིང་འཛིན་བཅས་པ་ཡིས།། བདག་ཉིད་ཁྲོ་བོ་ཡབ་ཡུམ་དང་།། ཕུར་པ་སྲས་དང་དམ་ཅན
91b2 གསུམ།། རང་རང་སྔགས་དང་ཏིང་འཛིན་གྱིས།། ཕུང་པོ་ལྷག་མེད་ཞལ་དུ་གསོལ།། འདི་ནི་བསྟབ་པར་ཤེས་པར་བྱ།། བསྟབ་པའི་ལྷག་མ་ག་གོ་དང་།། རྫས་དང་ལིངྒ་གདབ་པ་གསར་བ་ཀུན།། གྲུ་གསུམ་ནང་དུ
91b3 བསྲེག་བྱ་བ།། ཚེར་ཤིང་ཆག་གང་ལྕགས་ཟག་བསྡམ།། གྲུ་གསུམ་ནང་དུ་ཤེས་པར་བྱ།། དགང་གཟར་བླུག་གཟར་ཐོད་པས་བརྒྱན།། བདག་ཉིད་ལྷ་དང་མེ་ལྷ་ནི།། སྐུ་མདོག་དམར་པོར་རབ་བསྐྱེད་དོ།། ཤར
91b4 ལྷོ་མཚམས་ནས་མེ་ལྷ་དང་།། རྡོ་རྗེའི་ཚིག་གིས་ལྷ་རྣམས་ནི།། སྤྱན་དྲངས་བསྐྱེད་པ་ལ་བསྟིམ་མོ།། སྨད་སྟོད་དྲུག་ལས་གབ་དྲུག་དང་།། དེ་འོག་ཚིག་ནི་བཅུ་གཅིག་གིས།། ཀུན་ལ་ཡང་དག་སྦྱར་བར་བྱ།། ལྷ
91b5 རྣམས་ཚན་བཞིའི་བསྐོར་ཚོམ་ལ།། སྨད་སྟོད་དང་པོའི་ཚིག་ནི་གསུམ།། རང་རང་སྔགས་ལས་སྲོག་སྔགས་དང་།། ཏིང་ངེ་འཛིན་གྱིས་དབུལ་བར་བྱ།། སྨོན་ལམ་གདབ་ཅིང་ཤེས་པ་དགུག། འདི་ནི་བསྲེག་པའི་རིམ
91b6 པ་སྟེ།། བསྲེག་པའི་ཐལ་བ་ལིངྒ་དང་།། དྲག་པོ་རྫས་ཀྱི་རྣམ་པ་དང་།། དེ་ལྟར་གོང་གི་ཐུན་ཁྲག་དང་།། དགྲ་བོའི་གནས་ལ་བརྡེག་པར་ཡང་།། ཚིག་དྲུག་བཅུ་གཅིག་བཅས་པ་དང་།། དམ་ཅན་གནད་ལ་དབབ་པ
iiif viewer powered by OpenSeadragon
