| e-texts navigator |
| Wylie |
90b1 ལུང་སྔགས་བཅས་པས།། བདག་ཉིད་བསྟབ་པས་ཚེ་ལུང་ཤེས་པར་བྱ།། འདི་ནི་ཚེ་ལུང་ཁྲུས་བྱས་པས།། དེ་ནས་དམ་ཅན་ཕུར་པས་གདབ།། བྱིན་བརླབ་དམིགས་པ་ཀུན་ལའོ།། དེ་ཡི་ཚིག་ནི་བརྒྱད་དང
90b2 ནི།། སྔགས་ཀྱིས་སྙིང་ལ་ཤྲ་ན་གདབ།། དེ་བཞིན་ཚིག་ཚང་སྔགས་བཅས་པས།། བདག་ཉིད་མ་ནི་སྤྱི་བོར་གདབ།། དེ་འདྲས་སྔགས་བཅས་བསེ་མོ་ཡིས།། ལྕེ་ལ་ཕུར་པས་རབ་ཏུ་གདབ།། དགོངས་པ་མན་ངག
90b3 ཀློང་དང་སྦྱར།། དེ་འོག་ཚིག་བདུན་སྔགས་དང་བཅས།། སྲས་མཆོག་བཞི་ཡིས་གནས་བཞིར་གདབ།། གོང་གི་བསྙེན་ཕུར་ཡང་བླང་ལ།། རྡོ་རྗེའི་ཚིག་བཞི་སྔགས་བཅས་པས།། བདག་ཉིད་ཡབ་ཡུམ་ལྟེ་བར
90b4 གདབ།། རྡོ་རྗེའི་ཚིག་ནི་དྲུག་བཅས་པས།། ཧཱུཾ་ཀཱ་ར་ཡི་གསང་སྔགས་ཀྱིས།། སྤྱི་བོ་དག་ལ་ངེས་པར་གདབ།། གོང་གི་རྡོ་རྗེའི་ཚིག་དང་ནི།། རྣམ་པར་རྒྱལ་བ་ལ་སོགས་སྔགས།། དཔྲལ་བ་ལྕེ་དང་དཔུང་པ
90b5 གཡས།། སྙིང་དང་གསང་བ་དཔྱི་གཡས་དང་།། དཔུང་གཡོན་དབྱི་ནི་གཡོན་པ་དང་།། རྐང་པའི་མཐིལ་དུ་རབ་ཏུ་གདབ།། དེ་དག་རང་རང་དགོངས་པ་དང་།། ཐབས་ནི་རབ་ཏུ་ཤེས་བྱས་ལ། ཁོ་ཡི་ཤེས་པ་དག་ལ
90b6 དབུལ།། འདི་ནི་ཕུར་པ་གདབ་པའི་ལས།། དེ་ལྟར་བཏབ་པའི་ག་གོ་ལ།། བསྙེན་པའི་ཕུར་པས་བྲོ་བརྡུངས་པ།། ཐབས་ནི་ཡང་ན་གཡས་སུ་སྟེ།། ཡུམ་གྱི་མཁར་བསམ་བྲོ་བརྡུང་ངོ་།། སྨད་ཀྱི་རྡོ་རྗེའི་ཚིག་ལྔ
iiif viewer powered by OpenSeadragon
