| e-texts navigator |
| Wylie |
90a1 དང་སྦྱོ་རུ་གཞུག་པ་ཡིན།། དེ་བཞིན་ཚིག་དང་སྔགས་དང་རྫས།། ཉམས་པ་རྡུལ་དུ་བརླག་པ་ཡིས།། དེ་བཞིན་རབ་ཏུ་ཚང་བ་ཡིས།། ཉམས་པ་ཞལ་དུ་བསྟབ་པར་བྱ།། གབ་པའི་སྔགས་དྲུག་སྦས་པའི
90a2 ཚིག། རྫས་དྲུག་ཕོ་ཉ་ཕུར་པ་དྲུག། དུས་དྲུག་ཀུན་ལ་ཤེས་པར་བྱ།། འཁོར་ལོ་ངེས་པར་བྲི་བ་དང་།། མནན་པའི་འཁོར་ལོ་ཐོད་པ་ལའོ།། བསྒྲུབ་པའི་དུས་ཀྱི་གསང་སྔགས་ནི།། མ་མོ་འདུས་པར་ངེས་པ
90a3 སྟེ།། ལྷ་རྣམས་མཐིང་ནག་དག་ཏུ་བསྒོམ།། ཡན་ལག་མང་པོའི་བསྙེན་པ་བཞིན།། ཏིང་འཛིན་མང་པོ་བསྒྱུར་བའོ།། བར་བར་སྐབས་སུ་ཐུན་དབབ་པ།། ཉུང་ཀར་ལ་སོགས་བཞི་པོ་ལ།། བསེ་མོའི་སྔགས་དང་ཏིང
90a4 འཛིན་དང་།། ཚིག་བཞི་ངེས་པས་ཐུན་དབབ་པ།། བསེ་མོའི་ཐུན་དུ་ངེས་པའོ།། རིམས་ཀྱི་ཕྱི་མོ་ལ་སོགས་བཞི།། བདག་ཉིད་མ་ཡི་སྔགས་དང་ནི།། ཏིང་འཛིན་བཞི་ཡི་ཐུན་དབབ་པ།། བདག་ཉིད་མ་ཡི་ཐུན་ནག
90a5 ཡིན།། ལྕགས་ཕྱེ་ལ་སོགས་རྫས་བཞི་ལ།། ཤྭ་ན་མུ་ཁའི་སྔགས་དང་ཏིང་འཛིན་དང་།། ཚིག་བཞིས་ཐུན་དབབ་ཤྭ་ནའི་ཐུན།། དེ་ཡིས་སོད་པའི་རྟགས་བྱུང་ན།། གདབ་པའི་ལས་ལ་ངེས་པར་འཇུག། དང་པོ་ཚིག
90a6 བཞིས་བདེན་པ་བདར།། དེ་ནས་རིམ་པར་ཤེས་པར་བྱ།། བསྙེན་པའི་ཕུར་གདབ་དགོངས་པ་ནི།། སྙིང་པོ་དྲུག་ལྡན་ཁྲུས་ལུང་ནི།། སྨད་སྟོད་ཚིག་ནི་བཅུ་གཅིག་དང་།། གུ་ཧྱ་མནྟྲའི་མིང་དང་བཅས།། ཚེ་ལུང་ཁྲུས
iiif viewer powered by OpenSeadragon
