| e-texts navigator |
| Wylie |
88b1 བཤད།། དྲུག་རྫོགས་ཕུར་པ་གདབ་པ་དང་།། བསྙེན་ཕུར་བཏབ་ལ་ཚེ་ལུང་བྱ།། དེ་ནས་བདག་གི་ཕུར་པ་དང་། ཁྲོ་བོ་བཅུ་ཡི་ཕུར་པ་དང་།། སྲས་མཆོག་བཞི་ཡི་ཕུར་པ་དང་།། དམ་ཅན་གསུམ་གྱི་ཕུར་པ
88b2 དང་།། ཕྲ་ཐབས་སྤྲུལ་པའི་ཕུར་པ་རྣམས།། རང་རང་སྔགས་ཀྱིས་གདབ་པར་བྱ།། དེ་ཡང་དེ་ཡི་གནས་དུས་སུ།། བསྲེག་འཕང་གནན་པས་མཐའ་བརྟུལ་ལོ།། སྤྱིར་ན་གབ་སྔགས་མ་ངེས་ཏེ།། འདི་དྲུག་འཇིག
88b3 རྟེན་པ་རུ་གྲགས།། ལྷ་རྣམས་སྤྱི་འདུས་སྙིང་པོའམ།། ཕྲ་མེན་ཡིན་པར་ངས་བཤད་པ།། རྩ་བ་དཀྱུས་དང་དཀྱུས་ལ་གདབ།། འདི་ནི་སྤྱི་ཡི་ཕྱི་ཉིད་དོ།། དྲེགས་པ་སྤྱི་རུ་བསྒྲུབ་པ་ཡིན།། དེས་ན་དེ་ཡི་ནང་སྒྲུབ
88b4 ནི།། དང་པོ་གོང་བཞིན་དཀྱིལ་འཁོར་བྲི།། ཕྲིན་ལས་བཞི་ཡི་དཀྱིལ་འཁོར་ལྡན།། རྫས་རྣམས་ལེགས་པར་ཚོགས་པ་དང་།། ཕུར་པ་བཞི་རྣམས་ཕྲིན་ལས་ལ།། རང་རང་གནས་སུ་བཞུགས་སུ་གསོལ།། ཐོད་པ
88b5 ཆེན་པོ་མཚན་ལྡན་པར།། ཁྲག་སྣ་ཚོགས་པར་དུག་དང་སྦྱར།། ཐུན་གྱི་རྫས་རྣམས་རབ་བསོག་ལ།། གབ་པའི་རྫས་རྣམས་དེ་བཞིན་དུ།། དང་པོ་བསྙེན་པ་ཉེ་བསྙེན་པ།། བསྒྲུབ་དང་བསྒྲུབ་པ་ཆེན་པོ་དང་།། བསད
88b6 པའི་ཐུན་དང་ལྔ་རྣམས་སོ།། ཆོས་ཉིད་བདེན་པའི་གསང་སྔགས་ཀྱིས།། བྱིན་རླབས་གསང་སྔགས་མཐུ་བསྙེན་དང་།། ཨ་བྷེ་ཙརྱའི་དུས་ལ་བབ།། བརྣག་པ་ཁོ་ནའི་ལས་རྣམས་ཏེ།། སྦྱར་བ་ཐབས་ཀྱིས་ཤེས་པར
iiif viewer powered by OpenSeadragon
