| e-texts navigator |
| Wylie |
88a1 རིམ་པ་ཡང་།། འབྲང་རྒྱས་ཟླ་གམ་དཀར་དམར་གཉིས།། གཞན་ཡང་ཞལ་ཟས་མང་པོ་དང་།། བཅས་པ་ཟོད་པའི་ནང་བཞག་ལ།། ལྷ་རྣམས་སྔགས་ལ་གོང་འདུས་སྔགས།། བཏགས་པ་བཟླས་དང
88a2 ཏིང་འཛིན་བྱ།། རྡོ་རྗེའི་ཚིག་ནི་གསུམ་པ་ཡིས།། ཞལ་ཟས་ཕུར་པ་གནས་ནས་བསྟིམ།། འདིས་ནི་སྐུ་གསུང་ཐུགས་འཐོབ་སྟེ།། དེ་ཡང་ནམ་མཁའ་རྡོ་རྗེའི་དབུས།། སྙིང་པོ་གསུམ་བསམ་ཟོས་པ་ཡིས།། དེ་ཡིས་གོང
88a3 བཞིན་ངེས་པར་ཐོབ།། དང་པོ་གཙོ་བོའི་གསང་སྔགས་དང་།། མིང་རུས་བཅས་པའི་ངེས་ཚིག་དང་།། ཧ་ས་ར་ཡི་ཡི་གེ་བཅུ།། དགྲ་བླའི་རྒྱལ་པོའི་སྙིང་པོ་སྟེ།། དང་པོ་ལྷ་དང་ཕྲལ་བའོ།། ཨ་ཝེ་ཤ་ཡི་ཡི་གེ་བཅུ།། ཀླུ
88a4 ཡི་རྒྱལ་པོའི་གསང་སྔགས་ཡིན།། གཉིས་པ་གཟུགས་ལ་དབབ་པའོ།། ཤྲཱི་གྷྲཾ་ཨཱ་ནའི་ཡི་གེ་བཅུ།། ཁུ་ལེ་ལག་དགུའི་གསང་སྔགས་ཡིན།། གསུམ་པ་བྱད་དུ་གཞུག་པའོ།། ཛ་ལ་པ་ཡི་ཡི་གེ་བཅུ།། རྒྱལ་པོ་སྤྱན
88a5 གཅིག་སྙིང་པོ་སྟེ།། བཞི་པ་སྦྱོ་རུ་གཞུག་པའི་སྔགས།། ཏ་ཐཱ་ཡ་ཡི་ཡི་གེ་བརྒྱད།། བཙན་འགོང་དམར་པོའི་སྙིང་པོ་སྟེ།། ལྔ་པ་རྡུལ་དུ་བརླག་པ་ཡིན།། བྷིན་དྷ་ཡ་ཡི་ཡི་གེ་བཅུ།། རེ་མ་ཏི་ཡེ་སྔགས་ཡིན་ཏེ།། དྲུག་པ
88a6 ཞལ་དུ་བསྟབ་པའི་སྔགས།། ནུབ་དྲུག་དམ་རྫས་ཕོ་ཉ་དང་།། སྤྲུལ་པའི་ཐུན་རྣམས་སྦྱར་བ་ཡིས།། རླུང་ནད་མཛེ་དང་བྱད་འཆིང་དང་།། སྨྱོ་དང་འབོག་དང་རིམས་ནད་ཀྱིས།། ངེས་པར་དག་ཏུ་འཆི་བར
iiif viewer powered by OpenSeadragon
