| e-texts navigator |
| Wylie |
87a1 རིགས་རྫོགས་པར་བྱ།། ཕར་མཆོད་གུས་པས་བདག་ལ་བསྟིམ།། དེ་ཡིས་ངེས་པར་བསྟན་པ་ཡིན།། དེ་ནས་སྐབས་སུ་ཐུན་དུ་བྱ།། ལྕགས་ཕུར་སྔགས་ཀྱིས་སྙིང་ལ་གདབ།། སྐྱེར་ཕུར་མཆོག་ཕུར
87a2 སེང་ལྡིང་ཕུར།། བྱ་ཕུར་ཙནྡན་ཤེར་ཤིང་རྣམས།། རང་རང་སྔགས་ཀྱིས་གནས་གནས་གདབ།། ཀུན་ལ་གསང་སྔགས་འབྲུ་དགུའོ།། དམ་ཅན་གསུམ་པོ་རང་སྔགས་ཀྱིས།། དགྲ་བོའི་གནས་སུ་གདབ་པར་བྱ།། མིང
87a3 པོའི་ཕུར་པ་འདུས་པ་ཡིས།། སྔགས་ཀྱིས་གདབ་པར་ཤེས་པར་བྱ།། ལས་གསུམ་ལས་མཐར་ངེས་པར་བཅུ་ལ།། ཤི་ནས་ངེས་པར་གནས་སྦར་རོ།། འདི་ནི་ཉམས་པ་བསྒྲལ་བ་སྟེ།། སངས་རྒྱས་བསྟན་པ་བ
87a4 སྲུང་ཕྱིར་བཤད།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕྱིའི་དབྱེ་བ་རྣམ་གསུམ་བཤད་པ་སྟེ་ལེའུ་བཅུ་གཅིག་པའོ།། །། དེ་ནས་ནང་གི་དབྱེ་བ
87a5 རྣམས།། ཡང་དག་པར་ནི་བཀའ་སྩལ་ཏེ།། གཉིས་མེད་ཕུར་པའི་དོན་ཤེས་དང་།། ཤེས་གསུམ་གདེངས་གསུམ་ལྡན་པ་ཡི།། ཡོན་ཏན་ལྡན་པའི་རྣལ་འབྱོར་གྱིས།། ནང་གི་ཕྱི་ཡི་བསྒྲུབ་པ་བྱ།། སྔོན་འགྲོ་ལ་སོགས
87a6 རིམ་པ་ལས།། མཎྜལ་དྲག་པོ་དྲི་བར་བྱ།། ཕུར་པ་བཅོ་བརྒྱད་ལེགས་པར་དགོད།། ནང་གི་རྫས་རྣམས་ཚང་བ་དང་།། ཐོད་པ་ཆེན་པོའི་ཐུན་དང་བཅས།། དབུས་གཞག་སྔགས་དྲུག་ཐུན་ཀྱང་བཅའ།། དེ་ནས
iiif viewer powered by OpenSeadragon
