| e-texts navigator |
| Wylie |
85b1 བསད་པ་ཡི།། དེ་ཁོ་ན་ཉིད་མ་ནོར་ཚུལ་བཞིན་བསྒྲུབ་པའོ།། འདི་དག་ལམ་དུ་བྱས་པ་སྟེ།། བདག་དང་ཕུར་པ་གཟས་པ་གསུམ།། གཅིག་ཏུ་རྟོགས་ན་ཐེབས་པའོ།། ལྷ་རྣམས་རང་གིས་ཤེས་འགྱུར་བས།། འདི་ནི
85b2 གསང་བའི་རིམ་པའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས།། གསང་བ་བཤད་པའི་རིམ་པའི་ལེའུ་སྟེ་བཅུ་པའོ།། །། དེ་ནས་དཔའ་བོ་ཆེན་པོ
85b3 ཡིས།། སེམས་ཅན་དབང་པོ་རབ་འབྲིང་པས།། བློ་ཡི་རབ་འབྲིང་མང་ཡོད་པས།། དེ་ཡི་ཕྱིར་ན་རིམ་པ་དག། དགུ་རུ་ནམ་པར་ངས་བཤད་དོ།། དེ་ལ་ཕུར་པ་ཕྱི་ཡི་ཕྱིའི།། མན་ངག་འདི་ལྟར་ཤེས་པར་བྱ།། ཡོན
85b4 ཏན་ལྡན་པའི་སྔགས་པ་ཡིས།། ཉམས་པ་བསྒྲལ་བའི་ལས་བྱས་པས།། དེ་ཉིད་ལམ་དུ་ངེས་པ་ཡིན།། གནས་མཆོག་གཞུང་ལྟར་ངེས་པ་སྟེ།། ཡན་ལག་བདུན་བཅས་སྔོན་འགྲོ་བྱ།། ཕྱི་མཚམས་ལ་སོགས་ངེས་བྱས
85b5 ཏེ།། ཚོགས་གཉིས་ལེགས་པར་བསགས་པ་ཡི།། མཎྜལ་རིམ་པ་ལེགས་པར་བྱ།། གྲུ་གསུམ་བཅུ་གཅིག་ལེགས་བྲིས་ལ།། དེ་ལ་རྫས་རྣམས་དགོད་པ་ནི།། བདུད་རྩི་སྨན་དང་རཀྟ་དང་།། རྨད་དུ་བྱུང་བའི་རྫས
85b6 རྣམས་དང་།། དྲེགས་པ་རྟེན་པའི་རྫས་རྣམས་དགོད།། བསྙེན་ཕུར་ལ་སོགས་ཉི་ཤུ་གཅིག། དབུས་ལ་སོགས་པའི་རིམ་པར་དགོད།། དེ་ནས་ཡན་ལག་བདུན་པ་དང་།། ཚད་མེད་འགྲོ་དོན་ཤེས་པར་བྱ།། དང་པོའི
iiif viewer powered by OpenSeadragon
