| e-texts navigator |
| Wylie |
84b1 དབུལ།། སྦྱོར་སྒྲོལ་མཆོད་པ་གོང་འོག་བསྣོར།། ཉམས་པ་བསྒྲལ་བའི་རཀྟ་ནི།། དུག་ལྔ་ལྷ་ལྔའི་སྤྱན་སྔར་དབུལ།། དྲག་པོའི་ཚུལ་དུ་གསལ་གདབ་བསྟོད།། ཁྲོ་བོའི་ཚུལ་དུ་སྤྱན་ཡང་དྲངས།། དང་པོ་གཙོ་བོ་གསང
84b2 སྔགས་དང་།། ཕྱག་རྒྱ་བཞི་དང་མིང་རུས་དང་།། མ་མོ་འདུས་དང་ཐམས་ཅད་འདུས།། བཞི་སྙིང་དྲིལ་བ་དྲག་ཏུ་བཟླས།། ཧཱུཾ་ཀཱ་ར་ཡི་ཡི་གེ་བདུན།། ཐམས་ཅད་གྲགས་པ་གསུང་གི་སྔགས།། བདག་ཉིད་གཙོ་བོའི
84b3 ཡི་གེ་ལྔས།། གཟུགས་སུ་བསྐྱེད་པ་སྐུ་ཡི་སྔགས།། བདུད་རྩི་འཁྱིལ་པ་ཡི་གེ་དྲུག། དྲན་པར་སྣང་བ་ཐུགས་ཀྱི་སྔགས།། དེ་རྣམས་གོང་གི་བར་དུའོ།། སྐུ་གསུང་ཐུགས་ལ་གཙོ་ཆེན་བྱ།། དྲག་སྔགས་དྲུག་པ་དམ
84b4 ཅན་དང་།། བཟླས་སྔགས་ཐམས་ཅད་གོང་གི་བར།། མན་ངག་རིམ་པར་ཤེས་པ་ཡིས།། བཟླས་པ་བྱས་པས་བླ་ཁུགས་འགྱུར།། ཏིང་ངེ་འཛིན་གྱིས་གཟིར་བར་བྱའོ།། བསྒྲུབ་པ་ངེས་པར་གནས་པ་ཡིས།། གསང
84b5 སྔགས་བྱིན་རླབས་ཤེས་པར་བྱ།། རྒྱུ་ཡི་རཱུ་ཏྲས་འབྲས་བུ་དང་།། ལམ་གྱི་རཱུ་ཏྲས་བདག་ཉིད་ཕུང་།། དུག་ལྔའི་ངེས་པ་རབ་ཤེས་བྱ།། ལམ་གྱི་རཱ་ཏྲ་བརྣག་པ་ཡི།། སྐྱེ་བོ་ཉམས་པ་ཅན་དེ་སྤྱི།། དམ་ཚིག་གཅིག་པ་ཕྱི།
84b6 དང་ནང་།། གསང་བའི་བརྣག་པ་ཡིན་པ་སྟེ།། དེ་ལ་ལིངྒའི་མན་ངག་དང་།། ཐབས་དང་སྦྱོར་བ་གཞོམ་པ་དང་།། ཁ་སྦྱོར་དབྱེ་བ་གསུམ་བྱས་ལ།། བསྒྲལ་བ་རྣམ་གཉིས་ཤེས་པར་བྱ།། དེ་ནི་མི་འགྱུར་བརྣག་པ
iiif viewer powered by OpenSeadragon
