| e-texts navigator |
| Wylie |
83b1 ལ།། བཟླས་བྱས་ཚེ་ལུང་ཁྲུས་ལུང་གིས།། ཕུར་བཏབ་རྡུལ་དུ་བརླག་པར་བྱ།། ཞལ་དུ་བསྟབ་ཅིང་གཏོར་མ་གཏང་།། ལས་གསུམ་ངེས་པས་ལས་མཐའ་བརྟུལ།། དེ་ལ་རྟགས་མཚན་མེད་པ་ན།། ཡི་དམ་ནར་མ
83b2 གཞུང་དུ་བྱའོ།། ལས་ཀྱི་རིམ་པ་རྫོགས་བྱས་པས།། གང་ལ་དམིགས་པ་གདོན་མི་ཟ།། འདི་ནི་ནང་དུ་ངེས་པ་སྟེ།། ལུས་རྩ་གསེར་གྱི་བུ་ག་རུ།། དཀྱིལ་འཁོར་ཚང་བར་བསྐྱེད་པ་ལས།། ཐོད་པའི་གཞལ་ཡས་ནང
83b3 དུའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕུར་པ་ནང་ལྟར་བཤད་པའི་ལེའུ་སྟེ་དགུ་པའོ།། །། དེ་ནས་འགྲོ་ལ་ཕན་གདག་ཕྱིར།། གསང་བའི་ངེས
83b4 པར་རབ་ཏུ་བཤད།། ངེས་གསུམ་གདེང་གསུམ་ལྡན་པ་ཡིས།། ཕུར་པ་གསང་བ་རབ་ཏུ་བསྒྲུབ།། དེ་ཡང་རྣམ་པ་དྲུག་ཡིན་ཏེ།། ཆོས་ཉིད་བདེན་པ་བསྟན་པ་དང་།། སྔགས་ཀྱི་བྱིན་བརླབ་བསྟན་པ་དང་།། ཨ་བྷི
83b5 ཙརྱའི་བརྣགས་པ་དང་།། དེ་ཡི་ཤེས་པ་དགུག་པ་དང་།། སངས་རྒྱས་མཐུ་ཉིད་བསྟན་པ་དང་།། མ་ནོར་ཚུལ་དུ་བསྒྲུབ་པར་ངེས།། དང་པོར་མཎྜལ་བྲི་བ་ནི།། གྲུ་གསུམ་རྒྱ་མདུད་དཀྱིལ་འཁོར་དུ།། ཕྱི་ནང་གསང
83b6 བའི་རྫས་རྣམས་བསག། ཕུར་པ་ལ་སོགས་རིམ་བཞིན་དགོད།། ཡང་ན་དཀྱིལ་འཁོར་མི་དགོས་ཏེ།། གསང་བའི་ལས་སུ་བཤད་པ་ཡིན།། དང་པོ་ཏིང་འཛིན་རྣམ་གསུམ་གྱིས།། ཧཱུཾ་ཉིད་སྲོག་གི་གོར་ཤར་བས།། གྲུ
iiif viewer powered by OpenSeadragon
