| e-texts navigator |
| Wylie |
83a1 གིས།། གྲུ་གསུམ་མེ་འོད་འབར་བ་ལ།། ཕྲིན་ལས་བཞི་ཡི་དབྱིབས་བྱའོ།། དེ་ལ་དགྲ་བགེགས་མིང་བྱང་གཞུག། བསྙེན་པའི་ཕུར་པས་གཟིར་ལ་གཞག། གཏོར་མ་སྨན་དང་རཀྟ་བཅས།། རྩ་བ་དེ
83a2 ལས་བྱུང་བའི་རིགས།། ཏིང་འཛིན་རྣམ་གསུམ་རིམ་བཞིན་བསྒོམ།། གཞལ་ཡས་གདན་དང་བཅས་པར་བསམ།། དེ་དབུས་རྩ་བའི་བདག་ཉིད་སྐུ་བསྐྱེད་པ།། ལུས་ལ་དཀྱིལ་འཁོར་རྫོགས་པའོ།། གཞན་ཡང་ཐོད
83a3 པའི་གཞལ་ཡས་སུ།། སྲས་བཅས་དམ་ཅན་བཅས་པ་བསམ།། དབང་བསྐུར་བྱིན་རླབས་ལེགས་པར་བྱ།། རང་བཞིན་དཀྱིལ་འཁོར་སྤྱན་དྲང་བསྟིམ།། ཕྱག་འཚལ་མཆོད་པ་བྱས་ལ་ནི།། བཟླས་པ་དཔའ་བོ་གཅིག
83a4 པའི་སྔགས།། དང་པོ་བཅོམ་ལྡན་ཕུར་པའི་རྫས།། ཐམས་ཅད་འདུས་དང་རི་རབ་དང་།། མནན་པ་ཁྲོ་བོ་འདུས་པ་དང་།། གོང་བཞིན་དམ་ཅན་འདུས་པ་དང་།། ཐབས་དང་ཤེས་རབ་གིང་མཆོག་དང་།། རྟོགས་པ
83a5 ལས་ཀྱི་སྔགས་བཅས་པ།། རྣམ་བཞི་ཚང་བ་བཞི་སྙིང་སྟེ།། དཔའ་བོ་གཅིག་ལ་ངལ་བ་མེད་པར་བཟླས།། ལྷ་ལ་བསྟོད་ཅིང་སྲུང་མ་བསྐུལ།། དེ་ནི་བསྙེན་པའི་དུས་སུ་སྟེ།། རྟགས་ཚང་གཉིས་མེད་དངོས་གྲུབ
83a6 བླང་།། དྲག་པོ་གསང་བའི་ལས་བྱ་བ།། ཉ་ནག་མར་གྱི་ངོ་ལ་ནི།། དྲག་པོ་ལས་ཀྱི་རིམ་པར་བྱ།། གབ་སྔགས་དྲུག་གི་ལས་བྱས་ལ།། དམ་ཅན་སྔགས་དང་བཅས་པ་དང་།། བཞི་སྙིང་སྔགས་ལ་མིང་བཏགས
iiif viewer powered by OpenSeadragon
