| e-texts navigator |
| Wylie |
82b1 སྔགས་ཀྱིས་སུ།། སྤྱི་བོ་ལ་སོགས་གནས་ལྔར་གདབ།། དེ་ནས་ཕུར་པ་བཅུ་ཡིས་ནི།། ལས་སྔགས་དག་གིས་གནས་གནས་སུ།། ལེགས་པར་བཏབ་ལ་ལྷ་ལ་བསྟན།། བསྲེག་དང་གནན་དང་འཕང་པ་ཡིས།། ལས
82b2 ཀྱི་མཐའ་བརྟུལ་ཤེས་པར་བྱ།། དེ་ཡིས་གྲུབ་པར་མ་གྱུར་ན།། བསེ་ལྕགས་དུང་གིས་སྒྲོག་པར་བྱ།། དེ་ཡིས་མ་གྲུབ་ཤི་ས་བསྟན།། འདིས་ནི་ཕུར་པའི་མན་ངག་དྲུག། ཡང་དག་པར་ནི་ངེས་པར་བཤད།། ཕུར་པ་ཕྱི།
82b3 ཡི་ངེས་པ་ཡང་།། ལྷ་ལ་སོགས་པའི་ཕྱིར་བསྐྱེད་པས།། ངེས་ན་དེ་ཡང་རབ་བཤད་དོ།། དམ་ཅན་ངོ་བོ་ངེས་ཚིག་དང་།། དབྱེ་བ་ཤིས་ན་ལས་རྣམས་མྱུར།། དཔྱང་ཟག་ཆད་པ་ཐུགས་རྗེ་ཡིས།། བཟུང་ན་ངེས་པ
82b4 བསྟན་པ་ནི།། ཉམས་དང་བདུན་ལས་གཞན་དུ་མིན།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕུར་པ་ཕྱི་ལྟར་བཤད་པའི་ལེའུ་སྟེ་བརྒྱད་པའོ།། །། དེ
82b5 ནས་ཡང་ནི་བཤད་བྱ་བ།། ང་ལ་རབ་ཏུ་གུས་པས་ཉོན།། གཉིས་མེད་དོན་ཤེས་རྣལ་འབྱོར་པས།། ཉམས་པ་བསྒྲལ་ན་མངོན་སངས་རྒྱས།། དེ་ལ་ནང་དུ་གནས་པ་ནི།། ངེས་པ་ཕུན་སུམ་ཚོགས་པ་ལྔའོ།། རྟགས
82b6 དང་དྲོད་ཟིན་རྣལ་འབྱོར་པས།། དག་པའི་གནས་སུ་འདུག་ནས་ནི།། དཀྱིལ་འཁོར་རྟེན་བཅའི་རིམ་པ་ཡང་།། ཡལ་ག་མེད་པའི་བྷནྡ་ནི།། ཐོད་པ་རབ་ཏུ་ལེགས་པ་ལ།། ཡུག་ས་མོ་ཡི་མངལ་ཁྲག
iiif viewer powered by OpenSeadragon
