| e-texts navigator |
| Wylie |
81b1 དཔའ་དགའ་བ་ནི།། སྔོན་དུ་འགྲོ་བའི་ལས་མཆོག་སྟེ།། མན་ངག་རྣམ་པ་དྲུག་དག་གིས།། འདི་ཡིས་བསྒྲུབ་པ་གཏན་ལ་དབབ།། དཀྱིལ་འཁོར་ལེགས་པར་བརྩིགས་ལ་ནི།། ཆག་ཆག་ཐིག་བྱས་གྲུ་གསུམ
81b2 ནི།། བཅུ་གཅིག་ལྡན་པར་བྲི་བར་བྱ།། ཕུར་པ་བཅོ་བརྒྱད་ལེགས་པར་དགོད།། རྨད་དུ་བྱུང་བའི་རྫས་རྣམས་བཤམ།། དེ་ནས་ཏིང་འཛིན་རྣམ་གསུམ་ནི།། མ་ཧཱ་ཡོ་གའི་ཚུལ་དུ་བྱ།། དཀྱིལ་འཁོར་རྣམ་གསུམ་ཚུལ
81b3 དུ་བསྐྱེད།། དབང་བསྐུར་སྤྱན་དྲངས་མཆོད་པ་འབུལ།། རིགས་ཚོགས་བྱས་ལ་སྨོན་ལམ་གདབ།། སྟོད་ཀྱི་གསང་སྔགས་འབྲུ་དགུ་ལ།། ཆོས་ཉིད་དག་ཏུ་ཤེས་པ་དང་།། ཡི་གེ་ཕྲེང་བའི་སྐུ་ཕྱག་རྒྱ།། བཟླས་པ
81b4 ལུགས་གསུམ་བྱ་བ་དང་།། འཁོར་དང་དམ་བཅའ་དེ་བཞིན་དུ།། རྫོགས་པར་བྱས་པས་ཕྱི་ནང་གི། རྟགས་དང་དངོས་གྲུབ་རྣམ་གཉིས་ཐོབ།། རྣལ་འབྱོར་བྲོད་པ་སྐྱེ་བའི་ཕྱིར།། རྟགས་འདོན་པ་ཡི་མན་ངག
81b5 བྱ།། བཟླས་པ་དོན་ཡོད་བྱ་བའི་ཕྱིར།། དངོས་གྲུབ་ཤེས་པས་དངོས་གྲུབ་བླང་།། དེ་ནས་གསད་པའི་ལས་བྱ་བ།། དཀྱིལ་འཁོར་དབུས་སུ་གྲུ་གསུམ་གྲུ།། དབུས་སུ་དམ་ཅན་ཕུར་པ་དགོད།། དེ་ཡི་ཕྱི་རིམ་ལྷ་རྣམས
81b6 སོ།། དམ་ཅན་རྣམ་གསུམ་མཐུན་པའི་རྫས།། ཐོད་པ་བཅུ་གཉིས་ཡང་ན་གསུམ།། དེ་རུ་ཐུན་གྱི་སྦྱོར་བ་བྱ།། གཏོར་མ་ལ་སོགས་ངེས་པས་བསག། ལིངྒ་བྱས་པ་དག་ལ་ནི།། ལྷ་དབྲལ་དགུག་བསྟིམ་ལས་བྱས
iiif viewer powered by OpenSeadragon
