| e-texts navigator |
| Wylie |
81a1 དང་བླང་སྦྱོར་སྒྲོལ་བྱ།། འདི་ནི་སངས་རྒྱས་སྤྱོད་པ་སྟེ།། དུག་ལྔ་ལས་ནི་ཐམས་ཅད་འགྲུབ།། དབང་གི་ངོ་བོ་ངེས་ཚིག་དང་།། དབྱེ་བ་ལ་སོགས་ཤེས་པ་ཡིས།། གང་བྱ་མངོན་སངས་རྒྱས་པར
81a2 བཤད།། སེམས་ཉིད་རྟོགས་ན་དབང་ཡིན་ཏེ།། ཐམས་ཅད་རང་རིག་ཕུར་བུ་ཡིན།། དེ་ནི་ལུང་གི་ཚད་མར་བཤད།། ཅེས་གསུངས་པས། འཁོར་རྣམས་དབང་དང་ལྡན་པར་གྱུར་ཏོ།། རྡོ་རྗེ་ཕུར་པ་གསང་བའི་རྩ་བ
81a3 རྣལ་འབྱོར་ཆེན་པོ་ཡང་དག་པའི་རྒྱུད་ལས། འདུས་པ་དབང་བཤད་པའི་ལེའུ་སྟེ་བདུན་པའོ།། །། དེ་ནས་ཀརྨ་ཧེ་རུ་ཀས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་བཛྲ་ཧེ་རུ་ཀུ།། རྩ
81a4 བ་འདུས་པའི་ངེས་པ་ལས།། རྣལ་འབྱོར་རྗེས་སུ་འཇུག་པ་ཡི།། ཕྱི་ནང་གསང་བའི་བསྒྲུབ་པ་ལས།། དེ་ལ་དགུ་རུ་ཕྱེ་བ་ཡིས།། ཉམས་སུ་བླང་བྱ་བཤད་དུ་གསོལ།། དེ་སྐད་ཅེས་ནི་གསོལ་པ་དང་།། བཅོམ་ལྡན
81a5 བཛྲ་ཀཱི་ལ་ཡས། དོན་གསུམ་དུ་འབྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསུང་ནི་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། ཐམས་ཅད་འདུས་པའི་རྩ་བ་ལ།། ཕྱི་ནང་གསང་བ་ང
81a6 ཡིས་བཤད།། ཕྱི་ནང་དཀྱིལ་འཁོར་བཅས་པ་སྟེ།། ཕུན་སུམ་ཚོགས་པ་ལྔ་ལྡན་པས།། ཉི་མ་ཆད་དུ་ཞུགས་པ་དང་།། ཉམས་པ་བདུན་པོ་བསྒྲལ་བའི་ཕྱིར།། ཚད་མེད་སྙིང་རྗེས་བསྐྱོད་པ་དང་།། བྱང་ཆུབ་སེམས
iiif viewer powered by OpenSeadragon
