| e-texts navigator |
| Wylie |
80b1 སྔགས་ཀྱིས།། རང་རང་གནས་སུ་རབ་ཏུ་བསྐུར།། དམ་ཅན་ལ་སོགས་རིམ་བཞིན་དུ།། རང་རང་ཕུར་བུའི་རྫས་ཡིན་ཏེ།། དེ་རྣམས་འཇུག་པར་ཤེས་པར་བྱ།། དབང་དང་ལྡན་པར་ངེས་པའོ།། རིགས་དང་ལས་སུ
80b2 གང་འཚམས་པར།། དཀྱིལ་འཁོར་དབང་བསྐུར་ཤེས་པར་བྱ།། གསང་བའི་ཚིག་གསུམ་སྔགས་དང་བཅས།། གསང་སྔགས་བསྐུར་ཏེ་དོན་ཡང་བསྟན།། འདི་ནི་གནོད་པ་གང་འབྱེད་པ།། དང་པོ་ཚིག་དེས་གཅིག་པ
80b3 ནི།། ལྟ་བའི་མཐར་ཐུག་དབང་ཡང་བསྟན།། དེ་ལྟར་རྫོགས་པར་ངེས་ཐོབ་ནས།། བླ་མ་མིག་གི་འབྲས་བུ་ལྟར།། ཀུ་ཤའི་རྩེ་རྣམས་དོན་གྱིས་སྦྱར།། དུས་ལ་བབ་ན་དྲུག་པོ་དང་།། དེ་ལ་སོགས་པའི་ཚིག་རྣམས
80b4 ཀྱིས།། ལུང་བསྟན་གནང་བ་ལེགས་པར་བཟུང་།། ཐེག་ཆེན་སྨོད་པ་ལ་སོགས་པ།། ཅི་ནས་བསད་པར་ངེས་པ་ཡིན།། ཕ་དང་རིགས་ཀྱི་སྐྱེས་པ་རྣམས།། བསད་པས་སངས་རྒྱས་རིགས་སུ་ངེས།། སློབ་དཔོན་སློབ
80b5 མ་བསད་ངེས་ན།། རྡོ་རྗེ་རིགས་སུ་ངེས་པ་ཡིན།། ཞང་པོ་དམག་པ་བསད་ངེས་ན།། རིན་ཆེན་རིགས་སུ་ངེས་པ་ཡིན།། མ་སྲིང་བུ་མོ་མོ་ཆགས་ལ།། ཆགས་པར་བྱས་པས་པདྨ་ཅན།། ཐམས་ཅད་གསོད་ཅིང་ལས
80b6 བྱེད་པ།། ལས་ཀྱི་རིགས་སུ་ངེས་པར་ཏེ།། དེ་ལྟར་དགོངས་པའི་རྟོགས་པ་ཡིན།། རྒྱལ་པོ་ཡུལ་འཁོར་གཞོམ་པར་བྱ།། བྲམ་ཟེ་བཙོན་བཟུང་རྗེའུ་རིགས་བསད།། དམངས་རིགས་ལས་བཀོལ་དུག་ལ་སྤྱད།། མི་དགེ
iiif viewer powered by OpenSeadragon
