| e-texts navigator |
| Wylie |
79b1 རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། བལྟ་བའི་དོན་དང་ཐམས་ཅད་བདུས་པའི་རྩ་བ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་དག་ཀརྨ་ཧེ་རུ་ཀས། བཛྲ་ཀཱི་ལ་ཡ་ལ་འདི་སྐད་ཅེས
79b2 གསོལ་ཏོ།། ཕུར་པ་ཐམས་ཅད་འདུས་པ་ཡི།། རྩ་བའི་དོན་སྒྲུབ་རྣལ་འབྱོར་པས།། ཁ་མི་སྐོང་བའི་དབང་རྣམས་ནི།། ངེས་པར་དག་ལ་བཤད་དུ་གསོལ།། དེ་སྐད་ཅེས་ནི་གསོལ་བ་དང་།། བཅོམ་ལྡན་འདས་བཛྲ
79b3 ཀཱི་ལ་ཡ་རིན་ཆེན་སྦྱིན་པ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ནས། གསུང་ནི་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་སྐལ་ལྡན་དེ་ཡི་ཕྱིར།། དབང་གི་རིམ་པར་བཤད་པར
79b4 བྱ།། འཁོར་བ་དག་ལས་བྱང་ཆུབ་ཏུ།། སེམས་བསྐྱེད་སྨིན་པར་བྱ་བ་སྟེ།། དབང་རྣམས་ཐོབ་པར་མ་བྱས་ན།། གང་ཡང་འབྲས་བུ་མེད་པར་འགྱུར།། ཁ་སྐོང་དབང་ནི་གོང་དུ་བཤད།། མི་སྐོང་དབང་རྣམས་འདི
79b5 ལྟ་སྟེ།། དང་པོ་ཞུས་པ་དེ་ཡི་ཕྱིར།། ཕུར་པའི་བསྙེན་པ་ཡང་དག་བྱ།། དེ་ནས་དཀྱིལ་འཁོར་མངོན་བཞེངས་ལ།། ལྔའམ་གསུམ་མམ་གང་བྱེད་ལ།། རྫས་རྣམས་ལེགས་པར་ཚོགས་པར་བྱ།། ཕུར་པ་ལ་སོགས
79b6 ལེགས་པར་དགྲམ།། དེ་ནས་མིག་དགབ་ཕྱི་རོལ་ཏུ།། བཞག་ལ་གང་བྱེད་དྲི་བར་བྱ།། སེམས་བསྐྱེད་བཤད་དང་སྡོམ་པ་ནི།། སྨད་སྟོད་དང་པོ་ཚིག་གསུམ་དང་།། སྟོད་ཀྱི་བར་པའི་ཚིག་གསུམ་མོ།། རྟ་དང་གླང་པོ
iiif viewer powered by OpenSeadragon
