| e-texts navigator |
| Wylie |
78b1 ནས།། ལུས་ངག་རྡུལ་ཕྲན་བཞིན་དུ་རློག། ཁྲོ་མོ་འབར་བའི་གཏུན་ཁུང་དུ།། རྡོ་རྗེ་ཐོ་བས་བརྡུངས་བྱས་ན།། ལྷ་ཡང་རུང་སྟེ་བསྒྲལ་བར་བྱ།། ཁ་ཐཾ་ཁ་ཐཾ་ཁ་ཐཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཡཀྵ་ཀྲོ་དྷ་ཁཱ་ཧི་ཁཱ་ཧི
78b2 ཁཱ་ཧི།། ཧ་ཧ་ཧ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཆོས་ཉིད་ཀྱི་བདེན་པའོ།། གསང་སྔགས་ཀྱི་བྱིན་གྱིས་རླབས་སོ།། སངས་རྒྱས་ཀྱི་མཐུའོ།། ཨ་བྷི་ཙརྱའི་དུས་ལ་བབ་པའི་བརྣགས་པ་དེ་ཁོ་ནའོ།། ཀཱི་ལ་ཡ་བཅོ་བརྒྱད
78b3 བཟླས་དཀར་ནག་གི་མཚམས་སུའོ།། ཀཱི་ལ་ཡ་ཉི་ཤུ་རྩ་གཅིག་བཟླས་སོ།། བརྣགས་པ་དེ་ཁོ་ནའོ།། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། དེ་ནི་རྩ་བ་འདུས་པ་སྟེ།། གསང་སྔགས་ལས་དང་བཅས་པ་བཤད།། ཡིད་བཞིན་ནོར
78b4 བུ་ལྟ་བུ་སྟེ།། དགོས་འདོད་ངེས་འབྱུང་ཕྲ་ལ་ཟབ།། རྒྱུད་དང་ལུང་དང་མན་ངག་གི། མན་ངག་རྣམ་གཉིས་སྟོད་སྨད་དོ།། སྟོད་ལ་དྲུག་སྟེ་དེ་ལ་བཅུ།། གཉིས་སུ་ཤེས་བྱ་ཏིང་ངེ་འཛིན་ནོ།། བདག་ཉིད་དཀྱིལ་འཁོར
78b5 གསུམ་བསྟན་པ།། དབབ་དང་གསོལ་བཏབ་དབང་བསྐུར་དང་།། སྤྱན་དང་མཆོད་པ་ལ་སོགས་ཏེ།། མན་ངག་རྣལ་འབྱོར་དོན་དུ་བཤད།། སྨད་ནི་གཟས་པ་པོ་ཡི་ལས།། དེ་ཉིད་བདག་གིས་ལམ་བྱ་སྟེ།། སྟོད་དང
78b6 སྨད་དང་བར་གསུམ་མོ།། སྟོད་ལ་གསུམ་དུ་ཤེས་པར་བྱ།། བར་ལ་དེ་བཞིན་སྨད་ལ་གསུམ།། ཏིང་འཛིན་སྔགས་དང་ཕྲིན་ལས་དང་།། དགོངས་པ་ངེས་པའི་ཕུར་པ་འདི།། གབ་པའི་སྡོམ་པ་གཟུང་བ་དང་།། གཟིར
iiif viewer powered by OpenSeadragon
