| e-texts navigator |
| Wylie |
76a1 གྱི་གྲུབ།། མཉམ་པའི་རྒྱལ་པོས་ཐམས་ཅད་སྒྲོལ།། སངས་རྒྱས་སེམས་ཅན་མེད་པར་ངེས།། ཐམས་ཅད་མཉམ་པའི་ཕུར་པ་ཡིན།། གཉིས་འཛིན་མེད་པའི་ཕུར་པ་ཡིས།། གཟུང་འཛིན་རྣམ
76a2 རྟོག་གཉིས་ལ་གདབ།། ཤེས་པའི་གཉིས་འཛིན་རྣམ་པར་སྒྲོལ།། དེ་ནི་གཟུགས་དང་བྱིན་རླབས་དང་།། བཟླས་བརྗོད་དང་ནི་ཕྲིན་ལས་དང་།། དུས་དང་གནས་དང་བདག་ཉིད་དོ།། ཕུན་སུམ་ཚོགས་པ་བདུན་པོ
76a3 ཡིས།། བསྟན་ནས་ཅི་འདོད་སྦྱིན་ནོ་ཞེས།། དམ་ཚིག་བདག་པོ་ངས་གསུངས་ཏེ།། འདས་ནས་ང་ཡང་བརླག་པའི་ཕྱིར།། རང་གིས་བཀའ་ལ་རང་མི་འདའ། གང་ལ་བཏབ་ན་ངེས་པར་ཐེབས།། ཡེ་ཤེས་ལྔ་ཡི་ཕུར
76a4 པ་ཡིས།། དུག་ལྔ་འཁྲུལ་ལ་རབ་ཏུ་གདབ།། གཉིས་སུ་མེད་པའི་ཕུར་པ་ཡིན།། ཡེ་ཤེས་དག་པའི་ཕུར་པ་ཡིས།། འཁོར་བའི་མ་རིག་ལ་གདབ་པས།། རབ་ཏུ་ངེས་པའི་རིག་པ་འཆར།། དེ་ལ་སོགས་པའི་ཕུར་པ
76a5 ནི།། མང་པོ་དག་ནི་རབ་བཤད་དེ།། རྣལ་འབྱོར་ཡོན་ཏན་ལྡན་པ་དང་།། རྩ་བ་ཡན་ལག་དམ་ཚིག་དང་།། ཤེས་རབ་གསུམ་དང་ལྡན་པ་ཡིས།། ཕུར་པ་དེ་དག་ངེས་པར་བསྒྲུབ། རྡོ་རྗེ་ཁྲོས་པས་ཞེ་སྡང
76a6 གཅོད།། མཚོན་ཆེན་སྔོན་པོ་འབར་བ་ཡིས།། ནམ་མཁའི་དཀྱིལ་ནས་ཐིགས་པ་ཤར།། སྲོག་གི་གོ་རུ་ཤར་བ་དང་།། སྙིང་གི་དཀྱིལ་དུ་བསྒོམ་པར་བྱ།། སྙིང་རྗེ་བསྒྲལ་བའི་དམ་ཚིག་ནི།། བསད་ཅིང་མནན་པ་མ
iiif viewer powered by OpenSeadragon
