| e-texts navigator |
| Wylie |
75b1 ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། དམ་ཅན་དྲེགས་པ་ཅན་རྣམས་བཏུལ་ནས་དམ་ལ་བཏགས་པའི་ལེའུ་སྟེ་ལྔ་པའོ།། །། དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀི
75b2 ལ་ཡ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བཛྲ་ཀཱི་ལ་ཡ། ཨེ་མ་ཧོ་ངོ་མཚར་ཐུགས་རྗེ་ཅན།། དྲེགས་པ་ཆེན་པོ་སྒྲོལ་ལ་མཁས།། ཕུར་པ་ལྟ་བའི་དངོས་པོ་དང་།། ངེས་པའི་ལུང་རྣམས་བཤད་དུ
75b3 གསོལ།། ཞེས་གསོལ་བ་དང་།། བཅོམ་ལྡན་འདས་བཛྲ་ཀཱི་ལ་ཡ་དོན་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། འདོད་པའི
75b4 དོན་རྣམས་རབ་ཏུ་བཤད།། ཕུར་པ་ཡེ་ནས་དོན་ཆེན་ནི།། གསང་བ་ལས་ཀྱང་གསང་བ་སྟེ།། རང་བྱུང་ཕུར་པའི་དོན་དེ་ཉིད།། དབྱིངས་ཀྱི་ཕུར་པ་ཡེ་གནས་པ།། སངས་རྒྱས་ཀྱིས་ཀྱང་བརྗོད་དུ་མེད།། དེ་ལས་ཡེ
75b5 ཤེས་མ་འགགས་པ།། ཐམས་ཅད་རབ་ཏུ་ངེས་པར་བཤད།། དེ་ཉིད་དབྱེར་མེད་ཕུར་བུ་སྟེ།། བདེ་བ་ཆེན་པོའི་ཕུར་པ་ཡིན།། བལྟ་རུ་མེད་པའི་ཕུར་པ་ཡིན།། ང་ཡི་ཐུགས་སུ་གནས་པ་ནི།། ཡེ་ཤེས་རྩེ་མོ་མཆོག་ཉིད
75b6 དེ། ཧཱུཾ་དུས་གསུམ་ལས་ནི་འདས་པའི་ཕྱིར།། རྩེ་མོ་མེད་པའི་ལས་སུ་བསྟན།། རྣམ་པར་ཤེས་པ་ཡེ་ཤེས་མཆོག། སྲོག་དང་ཐུགས་ཀྱི་བྱིན་རླབས་ལས།། བྱང་ཆུབ་སེམས་ཀྱི་ཕུར་པ་ཡིས།། མ་བཏབ་བཞིན་དུ་ལྷུན
iiif viewer powered by OpenSeadragon
