| e-texts navigator |
| Wylie |
73b1 ཅན་ཆེན་པོ་དྲུག་དང་། འཇིག་རྟེན་པ་མང་པོ་གཞན་གྱི་སྲོག་འཕྲོག་ཅིང་། དྲེགས་པའི་དོན་དང་ལྡན་པར་གནས་སོ།། དེ་ནས་ཀརྨ་ཧེ་རུ་ཀས་དོན་དེ་ལྟ་བུ་གཟིགས་ནས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད
73b2 ཅེས་གསོལ་ཏོ།། ཀྱེ་ཀྱེ་བཅོམ་ལྡན་བཛྲ་ཀཱི་ལ་ཡ།། དཔའ་བོ་ཆེན་པོ་ཐུགས་རྗེ་ཅན།། འཇིག་རྟེན་དྲེགས་པ་ཆེན་པོ་རྣམས།། རང་རང་ཆེས་ཆེར་གྱུར་དྲེགས་པས།། སེམས་ཅན་མ་ལུས་སྲོག་གཅོད་ཅིང་།། དུག་ལྔས
73b3 བརྒྱལ་ནས་གནས་པ་འདི།། ཐུགས་རྗེས་རབ་བཏུལ་ལས་བྱེད་ཆུག། འདི་རྣམས་སངས་རྒྱས་བསྟན་པ་བསྲུང་།། དམ་ཅན་རྣམ་གསུམ་ངེས་པ་ནི།། བྱས་ལ་ཡེ་ཤེས་བདེ་ལ་བཀོད།། ཅེས་གསོལ་པ་དང་། བཅོམ
73b4 ལྡན་འདས་ཀྱིས་དམ་ཅན་གནང་ལ་རབ་ཏུ་འབེབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།། འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། དྲེགས་པ་ཚོ་གསུམ་མིང་སྲིང་འདི།། བར་དུ་ཐུགས
73b5 རྗེས་གདུལ་བར་བྱ།། མ་བཏུལ་དྲེགས་པ་དམྱལ་བར་འགྲོ།། བཏུལ་ལ་སངས་རྒྱས་བསྟན་པ་ནི།། རབ་ཏུ་བསྲུངས་པའི་ལས་བྱེད་གཞུག། ཅེས་གསུངས་ཏེ། ཨོཾ་བཛྲ་ཀཱི་ལི་ཀཱི་ལ་ཡ། བི་ཤྭ་ཀྲོ་དྷ་བྷ་ཏ་མ་མ་སརྦ
73b6 བིགྷྣཱཾ་བཾ་ཧཱུཾ་ཕཊ། ཅེས་པ་དང་ཉིད་ཀྱི་ཐུགས་ཀ་ནས་སྲས་མཆོག་ཞལ་གཅིག་ཕྱག་གཉིས་པ། ཕྱག་ན་མཚོན་ཆ་སྣ་ཚོགས་ཐོགས་པ་མང་པོ་ཐོན་ཏེ། དེས་དྲེགས་པ་མང་པོ་རང་དབང་མེད་པར་བཀུག་སྟེ། བཅོམ་ལྡན
iiif viewer powered by OpenSeadragon
