| e-texts navigator |
| Wylie |
73a1 ནི་ཉམས་པ་བརྒྱད་ཡིན་ཏེ།། གཅིག་ནི་ཅིར་ཤེས་ཉམས་པ་བདུན།། ཡིན་པར་ངས་གསུངས་ངེས་པ་ཡིན།། འདི་ཡང་རྣམ་པར་འཕྲུལ་པ་སྟེ།། རྗེས་འཇུག་རྣམས་ཀྱིས་དེ་བཞིན་དུ།། ཉམས་སུ་བླངས
73a2 ནས་སངས་རྒྱས་འགྲུབ།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། དྲེགས་པ་བཏུལ་བའི་ལེའུ་སྟེ་བཞི་པའོ།། །། དེ་ནས་འཇིག་རྟེན་གྱི་ཁམས་འདི
73a3 ན། དྲེགས་པ་ཅན་གནས་པ་ནི། འདི་ལྟ་སྟེ། བདུད་ནག་པོ་ཡབ་ཡུམ་རོལ་པའི་སྲས། ལྷ་མོ་ནག་མོ་རེ་ཝ་ཏི་མཆེད་བཞི་དང་། དེའི་མིང་པོ་མ་ཧཱ་ཀ་ལ་སྟེ། དེ་དག་རི་རབ་ཀྱི་བྱང་ཤར་ན། མཚོ་མུ་ལེ་དིང་གི་ནང་ན།།
73a4 ལྕགས་མཁར་ནག་པོའི་ནང་དུ་དུག་ལྔའི་རྟེན་ཅན་ཤིན་ཏུ་དྲེགས་པར་གནས་སོ།། གནོད་སྦྱིན་ཟངས་ཏོག་གི་རྒྱལ་པོ་ཡབ་ཡུམ་རོལ་པའི་སྲས། བསེ་མོ་བཞི་དང་མིང་པོ་བསེའི་སྐྱེས་བུ་གདུག་པ་ཅན་བཞི་ནི། རི་རབ
73a5 ཀྱི་ལྷོ་ནུབ་མཚམས་ན། བསེ་མཚོ་མེར་བའི་དབུས་ན་བསེ་མཁར་སྨུག་པོ་དུག་ལྔའི་རྟེན་ཅན་ཡོད་དོ།། སྲིད་པ་ཕྱ་ཧེ་ལེ་ཡབ་ཡུམ་བཤོས་པའི་སྲས། ཤོ་ན་མུ་ཁ་མཆེད་བཞི་དང་། མིང་པོ་ཤེལ་གིང་དཀར་པོ་སྟེ། རི
73a6 རབ་སྟེང་ན་དུག་མཚོ་མེར་བ་དང་། དུང་མཁར་དཀར་པོའི་ནང་ན་དུག་ལྔའི་རྟེན་ཅན་ཡོད་པ་དེ་ན། དྲེགས་པ་ཅན་ཡང་དག་པར་གནས་སོ།། གཞན་ཡང་འཇིག་རྟེན་གྱི་མ་བདུན་དང་སྲིན་མོ་བཞི་དང་། དྲེགས་པ
iiif viewer powered by OpenSeadragon
