| e-texts navigator |
| Wylie |
72b1 གསུངས་པ་ནི། རྡོ་རྗེ་གསང་བའི་བཀའ་ལས་ནི།། སྡིག་ཅན་གང་ཞིག་འདའ་བྱེད་པ།། ཁྲོ་བོ་ཆེན་པོ་ང་ཡིས་ནི།། ཀླད་པ་ཚལ་པ་བརྒྱ་རུ་འགས།། ཞེས་གསུངས་ནས། ཁྲོ་བོ་སྟོབས་ཆེན་གྱི་སྔགས་འདིས་བསྒྲལ་ནས།།
72b2 ལུས་པོ་གཞལ་ཡས་ཁང་གི་རྐྱེན་བྱས་ནས་སེམས་བདེ་བ་ལ་བཀོད་དོ།། དེ་ནས་ཕྲ་མེན་མ་རྣམས་ཀྱིས་རཱུ་ཏྲའི་འཁོར་འདུལ་བར་གསུངས་པ་ནི། གདུག་ཅིང་སྡང་སེམས་བྱེད་པའི་འཁོར།། བཀའ་ལས་འདའ་བའི
72b3 ལོག་འདྲེན་འདི།། རྡོ་རྗེ་མེ་དཔལ་སྙིང་བསྲེགས་ནས།། ལུས་ངག་རྡུལ་ཕྲན་བཞིན་དུ་བརླག། ཅེས་གསུངས་ནས། རང་རང་གི་སྔགས་ཀྱིས་མང་པོ་བཏུལ་ལོ།། དེ་དག་ཀུན་བསྒྲལ་ནས། བྱང་ཆུབ་སེམས་སངས
72b4 རྒྱས་སུ་ལུང་བསྟན་ནོ། དེ་དག་གི་ལུས་གདན་དུ་བྱས་ཏེ། ཆོས་ཀྱི་དབྱིངས་ཀྱི་ཕོ་བྲང་རྣམ་པར་འཕྲུལ་པ་མཛད་དོ།། དེ་ནས་བཅོམ་ལྡན་འདས་ཀྱི་ཆེད་དུ་བརྗོད་པ་འདི་གསུངས་སོ།། ཨེ་མ་ཧོ། སངས་རྒྱས་ཐམས
72b5 ཅད་བདག་ལས་འཁྲུངས།། དེ་ནི་རྨོངས་དང་སྡང་ལས་འཁྲུངས།། ང་རྒྱལ་ཕྲག་དོག་བདག་ལས་འཁྲུངས།། གཉིས་མེད་རྟོགས་པས་རབ་ཤེས་ན།། འདི་ནི་ཆོས་ཉིད་བདེན་པར་གསུངས།། གསང་སྔགས་བྱིན་རླབས
72b6 སངས་རྒྱས་མཐུ།། འདི་དག་བསྒྲལ་བའི་དུས་ཡིན་ཏེ།། དེ་དག་བསྒྲལ་ནས་སངས་རྒྱས་འགྲུབ།། འདི་དག་རྒྱལ་བྱེད་དཔའ་བོ་སྟེ།། ལྷག་མས་རོ་ལ་གསོད་པ་ཡིན།། ཉམས་པའི་ནང་ནས་ཉམས་པའི་མཆོག། འདིས
iiif viewer powered by OpenSeadragon
