| e-texts navigator |
| Wylie |
72a1 གསོལ་པ། དཔའ་བོ་ཐུགས་རྗེ་ངེས་པར་ཆུང་།། བདག་ཉིད་བདེ་ལྡན་ལས་ལས་ཟློག། དེ་རིང་ཕན་ཆད་འབངས་སུ་མཆི།། ཁྱོད་ཀྱི་ཐབས་ཀྱི་སྤྱོད་པ་ཡིས།། སངས་རྒྱས་ཕྲིན་ལས་རྫོགས་པར
72a2 མཛད།། ཚད་མེད་བཞི་ཡི་གང་རིགས་པར།། བདག་ལ་དབང་དང་བྱིན་རླབས་སྩོལ།། ལུས་པོ་སྒྲིབ་སྦྱངས་གདན་དུ་དབུལ།། ཞེས་གསོལ་པས། བཛྲ་ཀཱི་ལ་ཡས། དམ་ཚིག་ཆེན་པོའི་ཕྱག་རྒྱ་བསྟན་ཏེ་ས་མ་ཡ་ཧཱུཾ་ཞེས
72a3 གསུངས་ཏེ་བཀའ་སྩལ་པ། ང་ཡི་དབང་དུ་གྱུར་ནས་ནི།། བསྒོ་བའི་བཀའ་རྣམས་ཉན་པར་གྱིས།། སྙིང་རྗེས་ཁྱོད་བསྒྲལ་དམ་ཚིག་ནི།། གསད་གནན་བྱ་བ་མ་ཡིན་ཏེ།། ཕུང་པོ་རྡོ་རྗེར་གཏམས་བྱས་ལ།། ང་ཡི་རྣམ
72a4 ཤེས་རྡོ་རྗེར་བསྐྱོད།། ཅེས་གསུངས་ནས། གཟུགས་ཀྱི་ཕུང་པོ་གདན་དུ་བྱས།། ཕུང་པོ་ལྔ་ལྟར་བསྐྱེད། རྣམ་པར་ཤེས་པ་མྱ་ངན་ལས་འདས་པར་མཛད་དོ། དེ་བཞིན་དུ་ཡུམ་གྱིས་ཁོའི་ཆུང་མ་བཏུལ་ལོ།། ཁོའི
72a5 འཁོར་ལྷ་ཆེན་པོ་ལྔ། སྲས་མཆོག་ལྔས་འདུལ་བ་ནི། གདུག་ཅིང་སྡང་སེམས་ལྡན་པ་ཡི།། ལྷ་ཆེན་ཉི་ཟླ་ལ་སོགས་པ།། མཐུ་དང་རྫུ་འཕྲུལ་མེད་པར་བྱོས།། ཉོན་ཅིག་བགེགས་དང་ལོག་འདྲེན་ཚོགས།། ངེད་ཀྱི
72a6 བཀའ་ལས་འདའ་མ་བྱེད།། ཅེས་གསུངས་ནས། རང་རང་གི་སྔགས་ཀྱིས་ཕྱོགས་སྐྱོང་བཅུ་བཏུལ་ལོ།། དེ་ནས་ཀརྨ་ཀཱི་ལ་ཡས། དམ་སྲི་དམར་པོ་ཆོས་ལ་སྐུར་པ་འདེབས་པའི་ངག་འཁྱལ་པར་སྨྲ་བར་བྱེད་པ་ལ
iiif viewer powered by OpenSeadragon
