| e-texts navigator |
| Wylie |
71b1 འཇིགས་པའི་སྦྱོར་བ་མཛད་དེ་གསུངས་པ། དམ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་ཆེན་པོའི་དུས་ལ་བབ།། བྱང་ཆུབ་མཆོག་ཏུ་སེམས་བསྐྱེད་པའི།། དུས་གསུམ་རྒྱལ་བའི
71b2 སྐུར་སྤྲུལ་པ།། རིག་འཛིན་ངེས་པ་མང་པོ་ལ།། དངོས་གྲུབ་འཕྲོག་པར་བྱེད་པ་ཡི།། རཱ་ཏྲ་རྟགས་པའི་རྒྱལ་པོ་འདི།། ཁྲོ་བོ་ཆེན་པོའི་བྱིན་བརླབས་ཀྱིས།། ཡུད་ཙམ་གྱིས་ནི་རབ་ཕོབ་ལ།། སྡུག་བསྔལ་ཉམས་སུ་མྱོང
71b3 བར་གྱིས།། ཞེས་གསུངས་ནས།། ཨོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་རཱུ་ཏྲ་མཱ་ར་ཡ་ཕཊ།། ཅེས་གསུངས་པས། ཁོ་ཡང་ཀཱི་ལ་ཡའི་སྦྱོར་བས་དཔའ་བོ་འདྲ་བའི་གཟུགས་འཇིགས་པར་སྤྲུལ་ཏོ།། དེ་ནས་ཉིད་ཀྱིས
71b4 བཛྲ་ཀཱི་ལ་ཡ་ཧེ་རུ་ཀ་མ་ཧཱ་བཛྲ་ཞེས་གསུངས་པས། དབུ་དགུ་ཕྱག་བཅོ་བརྒྱད་པར་སྤྲུལ་ཏེ། དེས་ཕྱག་མཚན་ཡང་ཕྲོགས་ཏེ། འདི་སྐད་ཅེས་གསུངས་སོ།། དངོས་གྲུབ་པར་གཅོད་རཱུ་ཏྲ་འདིས།། གདུག་ཅིང་སྡང
71b5 སེམས་ལྡན་པས་ན།། ཟུང་ཞིག་ཆིངས་ཤིག་རྣམ་པར་ཆིངས།། གཏོགས་ཤིང་གྲོགས་དང་ཕྲལ་བར་གྱིས།། རེངས་པར་ཁུག་ལ་སྨྲར་ཆུག་ཅིག། ཕོབ་ཅིག་རྣམ་པར་གཟིར་བར་གྱིས།། ལུས་ངག་རྡུལ་དུ་བརླག་པར
71b6 བྱའོ།། དཔའ་བོ་རྡོ་རྗེའི་ཞལ་དུ་རྔུབས།། ཞེས་གསུངས་ཏེ། སྔགས་དྲུག་རིམ་པས་གསུངས་ཏེ། ཐ་མས་ཞལ་དུ་རྔུབས་སོ།། རྔུབས་པས་ཁོ་བདེ་བའི་རྒྱུ་རྐྱེན་གྱིས་བདེ་བ་ཉམས་སུ་མྱོང་བ་ལ། སྣམ་ནས་བཏོན་པས
iiif viewer powered by OpenSeadragon
