| e-texts navigator |
| Wylie |
71a1 སྲིན་པོར་གྱུར་པ་སྟེ།། འདི་མ་བཏུལ་ན་སེམས་ཅན་དག། ཐམས་ཅད་མ་ལུས་དམྱལ་བར་འགྲོ།། སངས་རྒྱས་ཀུན་གྱི་དཔུང་བཟློག་ལ།། ཤེས་རབ་ཐབས་སྦྱོར་ཆེན་པོ་ཡིས།། དེ་བཞིན་གཤེགས་པ་ཁྲོ
71a2 བོཔོ་བྱའོ།། ངང་ཉིད་པ་ཡི་ཆོས་དབྱིངས་ལས།། སངས་རྒྱས་ཀུན་གྱི་ཡེ་ཤེས་སྐུ།། འགྱུར་མེད་ཡེ་ཤེས་དག་པ་སྟེ།། ཡེ་ཤེས་ཁྲོ་བོ་གཤེགས་གསོལ་ནས།། འཁོར་བའི་སྐུ་དབྱིག་རབ་བསྐྱེད་བྱ།། སྲིད་པ་རྡོ་རྗེ་རབ
71a3 བསྒྲུབ་སྟེ།། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་སྒྲུབ་པར་བྱེད།། འབར་བའི་ཁྲོ་བོ་མི་བཟད་པས།། རྟགས་དང་མཚན་མ་རབ་ཏུ་བསྟན།། ཁོ་ལ་ཕུར་པའི་དངོས་གྲུབ་སྦྱིན།། ཞེས་གསུངས་ཏེ། ཞི་བའི་བདེན
71a4 པས་ཡང་ནས་ཡང་དུ་བཏུལ་བས་མ་ཐུལ་ཏེ། ཁྲོ་བོས་འདུལ་བར་དགོངས་ནས། བཅོམ་ལྡན་འདས་བཛྲ་ཀཱི་ལ་ཡས། ནམ་མཁའ་བཀང་བའི་དེ་བཞིན་གཤེགས་པ་ཐམས་ཅད་རིགས་ལྔར་བསྡུས་ཏེ། བདག་གི་ལྷ
71a5 དང་གཉིས་སུ་མེད་པར་སྦྱོར་བར་མཛད་དེ། སྐུ་འཇིགས་པའི་ཁྲོ་བོ་མང་པོ་བྱུང་ནས། ཁྲོ་བོ་འཇིགས་པའི་གླིང་ཁམས་སུ་བྱོན་ནས། ཡུམ་ལ་རོལ་པར་མཛོད་དོ།། འདོད་པའི་ཉེས་པ་མང་པོ་ཡང་གསོལ་ནས་བཞུགས
71a6 པ་ལས། རུ་ཏྲ་ལོག་ནས་རང་རང་གིས་གནས་ཁང་དུ་ཕྱིན་པ་དང་། རང་ལས་ལྷག་པའི་ཁྲོ་བོ་སྔར་མ་མཐོང་བ་འདུག་པར་མཐོང་ནས། ཤིན་ཏུ་དངངས་ཏེ་ང་རྒྱལ་སྐྱེས་སོ།། དེ་ནས་བཛྲ་ཀཱི་ལ་ཡས་ཤིན་ཏུ་ཡང
iiif viewer powered by OpenSeadragon
