| e-texts navigator |
| Wylie |
70b1 ལས་གྲུབ་པའི་ལྷ་ཆེན་པོ་ལྔ་དང་། མི་དགེ་བ་བཅུ་ལས་གྲུབ་པའི་ཕྱོགས་སྐྱོང་བཅུ་དང་། དམ་སྲི་དམར་པོ་ཞེས་བྱ་བ་དང་། གཞན་ཡང་དྲེགས་པ་ཅན་ཕྲ་མེན་གྱི་གཟུགས་འཛིན་པ་མང་པོས། སེམས་ཅན་མང
70b2 པོའི་སྲོག་གཅོད་ཅིང་ལོག་པའི་དོན་ལས་བཀོད་ཅིང་། རང་རང་གི་གནས་སུ་དུར་ཁྲོད་ལྟ་བུ་དུག་ལྔའི་རྟེན་ཅན་གནས་སོ།། དེ་ནས་ཀརྨ་ཧེ་རུ་ཀས། དེ་ལྟ་བུའི་དོན་ལོག་པ་མཐོང་ནས། བཅོམ་ལྡན་འདས་བཛྲ་ཀཱི་ལ
70b3 ཡ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་བཛྲ་ཀཱི་ལ་ཡ། འཇིག་རྟེན་ལོག་པའི་སེམས་ཅན་འདི།། རྒྱུ་དང་རྐྱེན་ལས་རང་གར་འཁྲུལ།། དུག་ལྔ་རྟོག་པའི་ལས་བྱས་པས།། རྒྱུ་མཐུན་འབྲས་བུ
70b4 འཇིགས་པའི་གཟུགས།། ཤིན་ཏུ་ཁྲོ་གཏུམ་གདུག་པ་ཡིས།། འདོད་པའི་ཁམས་སོགས་དབང་བསྡུས་ནས།། སྲོག་གཅོད་ལོག་པ་ལ་སྡུད་པ།། མ་བཏུལ་ཉེས་པ་གཉིས་སུ་འགྱུར།། བཏུལ་ན་ཡོན་ཏན་མང་པོ་སྟེ།། དེ
70b5 བཞིན་གཤེགས་པ་མང་པོ་ཀུན།། ཡེ་ཤེས་འཁོར་ལོ་སྤྱན་དྲངས་ལ།། གདུག་པ་ཁྲོ་གཏུམ་གདུལ་བར་བྱ།། ཞེས་གསུངས་སོ།། དེ་ནས་བཅོམ་ལྡན་འདས་བཛྲ་ཀཱི་ལི་ཡས། དྲེགས་པ་ཡེ་ཤེས་ཆེན་པོས་འདུལ་བ་ཞེས་བྱ
70b6 བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། བདག་རྟོག་ཞེ་སྡང་ལས་འཁྲུལ་པ།། ཤིན་ཏུ་འཇིགས་པའི་རཱ་ཏྲ་འདིས།། སྔོན་ཡང་བསྐལ་པ་རེ་རེ་ལ།། བར་ཆོད
iiif viewer powered by OpenSeadragon
