| e-texts navigator |
| Wylie |
70a1 ཀརྨ་ཧེ་རུ་ཀ། ཐུགས་རྗེ་ཆེན་པོ་ལྡན་པ་ཡིས།། ཁྱོད་ཀྱི་འདོད་པ་ངས་བསྐོང་ངོ་།། རྡོ་རྗེ་གཉིས་སུ་མེད་པ་སྟེ།། མི་འགྱུར་ཆོས་ཀྱི་སྐུ་རུ་བཤད།། ཕུར་པ་ཡེ་ཤེས་གཉིས་མེད་དོན།། དབྱིངས་དང་ཡེ
70a2 ཤེས་འབྲེལ་བར་བཤད།། གསང་བ་རྣམ་པ་གསུམ་ཡིན་ཏེ།། ཕྱི་ནང་གསང་བས་གསང་བ་སྟེ།། རྒྱ་རུ་འདེབས་པ་ངས་བཤད་དོ།། དགོངས་པ་སངས་རྒྱས་དགོངས་པ་སྟེ།། དབྱིངས་ལས་གང་འདོད་སྐོང་བར
70a3 བྱེད།། རྣལ་འབྱོར་མ་བཅོས་བློ་ལའོ།། རྒྱུད་ནི་ཐམས་ཅད་འབྲེལ་བས་ཏེ།། དོན་དམ་ཀུན་རྫོབ་ཕུར་བུར་འབྲེལ།། ཆེན་པོ་གཞན་ལས་ཁྱད་པར་འཕགས།། ལྟ་བ་སྤྱོད་པ་ཕྲིན་ལས་དང་།། དམ་ཚིག་ཡེ་ཤེས་ལ
70a4 སོགས་འཕགས།། བཅོམ་པ་གཟུང་འཛིན་གཉིས་བཅོམ་སྟེ།། ལྡན་པ་དབྱིངས་དང་ཡེ་ཤེས་ལྡན།། རྡོ་རྗེ་གང་ཡང་གཉིས་མེད་དེ།། ངེས་པའི་ཕུར་པ་ཀུན་རྟོགས་རྒྱའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི
70a5 རྩ་བ་རྣལ་འབྱོར་ཆེན་པོའི་རྒྱུད་ལས། ངེས་ཚིག་བཤད་པའི་ལེའུ་སྟེ་གསུམ་པའོ།། །། དེ་ནས་འཇིག་རྟེན་པའི་དྲེགས་པ་ཆེན་པོ་རྟོགས་པ་རང་རྒྱུད་པ། བདེན་པའི་དོན་མ་མཐོང་བ། དུག་ལྔ་རང་གར་སྤྱད་པའི
70a6 ཉེས་པ་ཡིས། ལུས་ཤིན་ཏུ་འཇིགས་པ་རྒྱུ་དང་རྐྱེན་གྱིས་གོལ་བའི་རཱུ་ཏྲ་ཆེན་པོ་དེས། འདོད་ཁམས་ཀྱི་ལྷ་མན་ཆད་དབང་དུ་བསྡུས་ནས་ལམ་ལོག་པ་ལ་འགོད་ཅིང་སྲོག་གཅོད་པར་བྱེད་དོ།། དེའི་འཁོར་དུག་ལྔ
iiif viewer powered by OpenSeadragon
