| e-texts navigator |
| Wylie |
69a1 བཀའ་སྩལ་ཏོ།། ཨེ་མ་ཧོ། ཉོན་ཅིག་ཀརྨ་ཧེ་རུ་ཀ། རང་བྱུང་ཕུར་བུ་དོན་ངེས་པའི།། རྣམ་གྲངས་དབྱེ་བ་ངས་བཤད་དོ།། ཕུར་པ་རང་བྱུང་ངེས་པ་ལ།། དབྱེ་ན་རྣམ་པ་བཞི་ཡིན་ཏེ།། རང་རིག་ཡེ་ཤེས
69a2 ཕུར་པ་ཡིས།། ཡུལ་ཆོས་དབྱིངས་ལ་གདབ་པ་དང་།། ཐུགས་རྗེ་ཆེན་པོའི་ཕུར་པ་ཡིས།། ཁམས་གསུམ་སེམས་ཅན་གདབ་པ་དང་།། གསང་བ་བྱང་སེམས་ཕུར་པ་ཡིས།། ཡུམ་གྱི་མཁའ་ལ་གདབ་པ་དང་།། མཚན
69a3 རྫོགས་རྫས་ཀྱི་ཕུར་པ་ཡིས།། ཉམས་པ་བདུན་ལ་གདབ་པའོ།། དེ་དག་རང་རང་གདབ་ཐབས་དང་།། སྐྱོན་ཡོན་ཐེབས་ཚད་ཤེས་པ་ན།། ཕུར་པ་ངེས་པར་འགྲོལ་བ་ཡིན།། ཡང་ན་གསུམ་དུ་ངེས་པ་ཡིན།། དབྱིངས
69a4 དང་ཡེ་ཤེས་བདེ་བའི་དོན།། གདལ་བ་ཆོས་ཉིད་ཕུར་པ་དང་།། ཁྱབ་པའི་ཡེ་ཤེས་ཕུར་པ་དང་།། གཉིས་མེད་བདེ་བ་ཆེན་པོ་ཕུར།། དེ་ཡི་ངེས་དོན་རྟོགས་ཤེས་ན།། ཕུར་པའི་དོན་རྣམས་དེར་ངས་བཤད།། ཡང་ན
69a5 དོན་དམ་ཕུར་པ་དང་།། ཀུན་རྫོབ་ཕུར་པ་གཉིས་ཡིན་ཏེ།། དམིགས་མེད་ཡེ་ཤེས་དག་པ་དང་།། སྣང་བ་འཁྲུལ་པར་ངེས་པ་ཡིས།། གཉིས་སུ་མེད་པར་ཀུན་འདུས་ཏེ།། ཤེས་རབ་གསུམ་ལྡན་མཁས་པས
69a6 དཔྱད།། དེ་ལ་སོགས་པའི་ཕུར་པ་ནི།། ཐ་སྙད་ཕྱིར་ན་ངེས་པ་ཡིན།། དོན་ལ་ཕུར་བུ་གང་ཡང་མེད།། ཕུར་པའི་ངོ་བོ་ངེས་ཚིག་དང་།། དབྱེ་བ་ལ་སོགས་མང་པོ་རྣམས།། ཀུན་ལ་རབ་ཏུ་ཤེས་པར་བྱ།། ཐམས་ཅད
iiif viewer powered by OpenSeadragon
